| e-texts navigator |
| བོད་ཡིག |
224a1 rten dbang phyug dang ro rdo rje ma'o/ /sa'i snying po dang gzugs rdo rje ma'o/ /sgrib pa thams cad rnam par sel ba dang reg bya rdo rje ma'o/ /de ltar rigs ni drug po nges par rang bzhin yon tan dbang gis yang dag par ni rnal 'byor pas rig par bya zhes pa ni
224a2 nges pa'o/ /da ni ha~M zhes pa la sogs pa khro bo rnams kyi rigs lnga'i sa bon gsungs pa 'dir ha~M yig ni gtsug tor 'khor los sgyur bar 'gyur te lus kyi dbang gis zhes pa lus kyi dbye ba las so/ /de ltar gzhan rnams kyang ngo / /haHni shin tu sngon mo'o/ /ha ni
224a3 gnod mdzes dang hA ni drag spyan ma'o/ /ya~M ni shin tu stobs dang lAHni rengs byed ma'o/ /ra~M ni rmugs byed dang wAHni nga rgyal ma'o/ /wa~M ni khengs byed dang rAHni rmugs byed ma'o/ /la~M ni rengs byed dang yAHni shin tu brtson 'grus ma'o/ /de bzhin du ya wa ra la ni grangs bzhin
224a4 du dbyug pa sngon po dang mi g.yo ba dang 'dod pa dang stobs po cher 'gyur ro/ /lus kyi dbang gis lha mo rnams kyi ring po ste glang po che'i shing rta la yA ni rdo rje lcags sgrog ma dang rta'i shing rta la wA ni tsun dA dang seng ge'i shing rta la rA ni khro gnyer can ma dang phag gi shing rta la lA ni 'od zer
224a5 can ma'o/ /de bzhin du dbyug sngon dang 'od zer can ni zung ste phan tshun lus dang bsam pa'o/ /mi g.yo ba dang khro gnyer can ma'o/ /shin tu stobs dang rdo rje lcags sgrog ma'o/ /'dod pa'i rgyal po dang tsun dA ni zung ste dkyil 'khor la ni bde ba dam pa'i don du'o zhes pa ni gzhan gyi
224a6 rigs la 'khyud pas so/ /de bzhin du nus ma'i sa bon rnams te nus ma ni du ba la sogs pa mtshan ma'i rnal 'byor ma rnams so/ /de la a yig dag dang a~M dang rnam par bcad pa ni a A a~M aHste rim pa bzhin du nag mo 'bar ma dang ser mo 'bar ma dang dkar mo 'bar ma dang dmar
224a7 mo 'bar ma'o/ /de bzhin du ha~M dang haHdang ha hA ste ha~M ni mkha' gsal ma dang haHni smig rgyu ma dang ha ni du ba ma dang hA ni mar me ma ste de ltar yi ge brgyad las skyes pa nus ma brgyad do/ /bum pa rnams la de bzhin ha yig rlung dang me dang chu dang sa yi dbyangs kyis phye bar 'gyur zhes pa ni
iiif viewer powered by OpenSeadragon
Texts on this page
D845 - bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od ces bya ba