rKTs

e-texts navigator

Volume

Page

223a₁ par 'gyur ba las gang zhig gang gis bskyed pa de ni des rgyas gdab bo/ /da ni 'khor lo la sogs pa'i mtshan ma rnams kyi rab tu skye ba gsungs pa sa las zhes pa la sogs pa ste 'dir sa'i sa bon l-i yig las 'khor lo rab tu skye'o/ /chu las te u yig
223a₂ las pad+ma dang me las te r-i yig las nor bu dang rlung las te i yig las ral gri dang stong pa las te a yig las rdo rje dang ye shes las te aM yig las gri gug tu 'gyur zhes pa bya ba dang 'brel lo/ /de bzhin du l-I yig las gos su 'gyur ro/ /U yig las bdud rtsi'i snod
223a₃ dang r-I yig las me long dang I yig las dri dang A yig las rgyud dang rnam par bcad pa can aHyig las chos 'byung ste sa la sogs pa'i yon tan gyi dbye bas mtshan ma rnams so/ /de bzhin du a la yig las phub dang o yig las mdung dang ar yig las mda' dang
223a₄ e yig las dgra sta dang a yig las Da ma ru ste yon tan gyi dbye bas mtshan ma lnga'o/ /de bzhin du A la yig las dbyug pa dang au yig las zhags pa dang Ar yig las lcags kyu dang ai yig las thob dang A yig las rtse gsum ste 'phel ba'i dbyangs kyis mtshan ma
223a₅ lnga'o/ /de bzhin du la yig las gzhu dang wa yig las ut+pa la dang ra yig las mgo bo dang ya yig las kha T+wA~M ga dang ha yig las dril bu'o/ /de bzhin du lA yig las lcags sgrog dang wA yig las dung dang rA yig las thod pa dang yA yig las stag gi pags pa dang hA
223a₆ yig las glang po che'i pags pa ste ya Nar 'gyur ba ring po rnams kyis so/ /mtshan ma sum cu rtsa gnyis kyi dbyangs kyi nges pa'o/ /'dir ni lhag ma nye ba'i mtshan ma sa dang chu dang sreg za rlung dang nam mkha' las skyes pa de rnams rang bzhin yon tan dbang gis shes par bya
223a₇ ba nyid de lha dang lha mo rnams kyi'o zhes pa tsa rtsi kA la sogs pa thams cad kyi mtshan ma rnams rlung la sogs pa'i dbye bas rig par bya'o/ /'dir gsungs pa gang zhig l-i la sogs pa sa dang chu dang sreg za rlung dang nam mkha' las skyes thung ngu dang / ring po'i rab dbyes rim par

_{iiif viewer powered by OpenSeadragon}

222b - 223b

Texts on this page