| e-texts navigator |
| བོད་ཡིག |
21b1 chu bo shI ta'i byang phyogs grong bye ba phrag dgu bcu rtsa drug na gnas pa'i gdul bya rnams rgyud kyi rgyal po mchog gi dang po'i sangs rgyas kyis yang dag par rdzogs pa'i sangs rgyas kyi lam thob par bya ba'i phyir rgyal po zla ba bzang por gyur to/ /sangs rgyas dang byang chub sems dpa' 'di
21b2 gnyis sprul pa'i sku'am longs spyod rdzogs pa'i sku dag gis ston pa po dang gsol ba 'debs pa por 'brel ba yin te snga ma dang phyi ma 'gal ba med pa'i phyir ro/ /phyag na rdo rje'i sprul pa'i sku rgyal po zla ba bzang po des sems can thams cad kyis 'jig rten dang 'jig rten
21b3 las 'das pa'i dngos grub bsgrub pa'i don du de bzhin gshegs pa la gsol ba btab bo/ /de bzhin gshegs pas kyang chu bo shI ta'i byang phyogs sham+b+ha la la sogs pa'i yul rnams kyi grong bye ba phrag dgu bcu rtsa drug na gnas pa rnams kyi sems rnam par dag pa skal ba dang
21b4 ldan pa nyid du gnas pa gzigs nas rdo rje'i tshig kha ma phye ba med pa rdo rje'i tshig rab tu gsal bar byed pa mchog gi dang po'i sangs rgyas stong phrag bcu gnyis pa yang dag par bstan to/ /ma 'ongs pa'i dus su tshangs pa'i drang srong bye ba phrag phyed dang bzhi dang / grong bye ba
21b5 phrag dgu bcu rtsa drug na gnas pa rnams yongs su smin par gzigs nas/ rgyud kyi rgyal po stong phrag bcu gnyis pa 'di las bsdus pa'i rgyud byed pa dang rtsa ba'i rgyud kyi rgyal po ston par byed pa dang / rdo rje'i rigs kyi dbang bskur bas rigs thams cad rigs gcig tu
21b6 byed pa la 'jam dpal grags pa rigs ldan du de bzhin gshegs pas lung bstan to/ /'grel bshad byed pa po pad+ma dkar po bdag kyang rigs ldan gnyis par lung bstan to/ /de'i 'og tu bdag gi phyi nas gshin rje mthar byed la sogs pa rnams lung bstan to/ /'dir
21b7 bcom ldan 'das kyis/ lo 'di nas ni drug brgya'i los/ /drang srong rnams ni smin don du/ /'jam dbyangs mi bdag grags pa ni/ /sham+b+ha la zhes bya bar 'byung / /'di yi sgrol ma lha mo che/ /sras ni pad 'dzin 'jig rten dbang / /bdag gi shAkya'i
iiif viewer powered by OpenSeadragon
Texts on this page
D845 - bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od ces bya ba