rKTs

e-texts navigator

Volume

Page

219b₁ rang bzhin can sgrol ma dang mA ma kI dang gos dkar mo dang spyan ma ste lha mo rnams kyis byis pa rnams la dkyil 'khor 'bab pa'i don dang bcom ldan 'das la 'gro ba'i don gyi slad du skul bar byed do/ /lha mo'i rdo rje'i glus bskul ba'i nges pa'o/ /de bzhin du rtsa ba'i rgyud las/
219b₂ spyan ma bdag ni 'gro ba'i yum/ /rnal 'byor pa yi rgyu mthun gnas/ /bdag gi dkyil 'khor rang bzhin gyis/ /dus 'khor bzhengs la bdag 'dod mdzod/ /mA ma kI bdag sring mo ste/ /rnal 'byor pa yi rnam smin gnas/ /bdag gi dkyil 'khor rang bzhin gyis/ /
219b₃ dus 'khor bzhengs la bdag 'dod mdzod/ /gos dkar mo bdag bu mo ste/ /rnal 'byor pa yi skyes bur gnas/ /bdag gi dkyil 'khor rang bzhin gyis/ /dus 'khor bzhengs la bdag 'dod mdzod/ /sgrol ma bdag ni tsha mo ste/ /rnal 'byor ba yi dri bral gnas/ /
219b₄ bdag gi dkyil 'khor rang bzhin gyis/ /dus 'khor bzhengs la bdag 'dod mdzod/ /stong pa'i dkyil 'khor nyams myong nas/ /sku gsung thugs kyi dkyil 'khor ni/ /'gro ba gdon pa'i bsam pa yis/ /'gro ba'i mgon po spro bar mdzod/ /ces pa ste de ltar bde
219b₅ mnyam 'bras bu ster ba lte ba dang gsang ba la sogs pa'i pad+ma la byis pa rnams kyi rnam par shes pa brgya la bar gyur pa sad bar byed pa bzhin du lha'i sku gnas so zhes pa ni nges pa'i don to/ /da ni rdo rje can des glu zhes pa la sogs pas lha bzhengs pa gsungs te 'dir stong pa
219b₆ n yid la rab tu zhugs pa'i bcom ldan 'das glu rnams kyis rab tu sad par gyur pa na 'gro ba mtha' dag sgyu ma lta bur gzigs nas sems can gyi don gyi slad du slar yang skyed pa mdzad de dri ma med pa'i 'od zer 'phro ba rang gi mtshan ma hu~M yig yongs su gyur pa'i rdo rje rtse lnga pa spros byas nas
219b₇ des rdo rje'i rgyan dang ldan zhing rgyal ba'i bdag po'i cod pan zhes pa mi bskyod pa'i cod pan can no/ /shes rab kyis ni 'khyud par gyur ba zhes pa ni stong pa'i dkyil 'khor 'bab pa rdo rje dbyings kyi dbang phyug ma sna tshogs yum gyis te de'i snying gar byis pa rnams kyi bzhin no/ /rgyal

_{iiif viewer powered by OpenSeadragon}

219a - 220a

Texts on this page