| e-texts navigator |
| བོད་ཡིག |
20a1 'brel pa 'gal lo zhe na/ de'i phyir brjod par bya ste/ 'dir sngags kyi theg pa la mngal nas byung ba de bzhin gshegs pa la gsol ba 'debs pa por mi 'gyur ro zhes gang 'ga' zhig gis brjod pa de ni ma yin te/ gang gi phyir bcom ldan 'das kyang
20a2 mngal nas byung ba nyid yin pa'i phyir ro/ /sngags kyi theg pa 'di la gal te mngal nas byung ba de bzhin gshegs pa la gsol ba 'debs pa po dang sdud pa por mi 'gyur na/ de'i tshe shAkya'i rigs mi'i dbang po zas gtsang ma'i lha mo sgyu 'phrul chen mo'i lhums nas
20a3 bltams pa shAkya thub pa thams cad mkhyen pa ston pa por mi 'gyur te/ mngal nas byung ba nyid yin pa'i phyir ro/ /yang 'ga' zhig gis smras pa/ des sngar bdud bcom pa byas shing byang chub bskyed de de nas thams cad mkhyen pa chos ston par byed pa por gyur to/ /mya ngan
20a4 las 'das pa'i rjes la yang mngal du 'jug pa med do zhes pa'i tshig las ni shin tu 'gal ba ste rang ma grub pa gzhan gyi sgrub byed ma yin pa'i phyir ro/ /'dir dang por sangs rgyas nyid med na lha dang mi dang lha ma yin gyi nang nas gang gis kyang bdud 'joms par mi byed do/ /dang por
20a5 mngon par rdzogs par sangs rgyas par yang mi byed de/ sgrib pa thams cad med pa yin pa'i phyir ro/ /cig car yang mi byed de gang gi tshe bdud yod pa de'i tshe sangs rgyas nyid ma yin te sems sgrib pa dang bcas pa'i phyir ro/ /gang gi tshe sangs rgyas nyid yin pa de'i tshe bdud
20a6 med de sems sgrib pa dang bral ba'i phyir ro zhes pa las gzhan pa ci yod/ las kyis 'dir sangs rgyas bcom ldan 'das ma gtogs pa bud med kyi mngal nas skyes pa gzhan ni skyes bu chen po'i mtshan sum cu rtsa gnyis dang dpe byad brgyad cu dang mdzod spu sum cu rtsa gnyis yongs su
20a7 'khyil pa dang mngon par shes pa drug dang ldan pa ma yin no/ /de'i phyir bdud ces bya ba ni sems can rnams kyi 'khor ba'i sems kyi bag chags kyi dri ma'o/ /sangs rgyas nyid ces bya ba ni 'khor ba'i bag chags dang bral ba'i sems so/ /de ltar yang bcom ldan
iiif viewer powered by OpenSeadragon
Texts on this page
D845 - bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od ces bya ba