| e-texts navigator |
| བོད་ཡིག |
209a1 rnams rang gi lus las spros nas sna tshogs yum gyi nang du ji lta ba bzhin du bsgom par bya'o/ /de nas de bzhin nyid du spros nas slar yang khams dang bcas pa'i de bzhin gshegs pa rnams dkyil 'khor gyi 'khor lo'i rnam pas rang gi lus la gzhug par
209a2 bya ste zhu ba zla bar gyur pa rnams rang gi rdo rje nas spros te rang gi rig ma'i pad+mar de rnams yongs su gyur pa las lha dang lha mo'i tshogs kyi dkyil 'khor rten dang brten pa'i mtshan nyid can no/ /mi bskyod pa lhag pa'i bdag por bsgoms nas dang por bcom ldan 'das kyi sku la
209a3 gzhug par bya'o/ /de nas phyogs kyi pad+mar chu gter sangs rgyas bzhi rnams ni nges par spyan dgu pa me'i zhal zhes pa zhal gsum pa dus kyi phyag ces pa phyag drug pa rnams spros par bya'o/ /de la shar gyi pad+mar nyi ma'i steng du don yod grub pa nag po ste g.yas skor gyis nag po dang
209a4 dmar po dang dkar po'i zhal can no/ /lhor rin chen 'byung ldan kha dog dmar po ste g.yas skor gyis dmar po dang dkar po dang nag po'i zhal can no/ /byang du snang ba mtha' yas dkar po ste g.yas skor gyis dkar po dang nag po dang dmar po'i zhal can no/ /nub tu rnam
209a5 par snang mdzad ser po ste g.yas skor gyis ser po dang dkar po dang nag po'i zhal can no/ /de ltar bzhi ni nyi ma'i dkyil 'khor la ste nyin mo bcom ldan 'das rdo rje can zhes pa'i shes par byed pa las so/ /mer sgrol ma don yod grub pa lta bu'o/ /bden bral du gos dkar mo
209a6 rin chen 'byung ldan lta bu'o/ /dbang ldan du mA ma kI snang ba mtha' yas lta bu'o/ /rlung du spyan ma rnam par snang mdzad lta bu'o/ /de ltar bzhi ni zla ba'i dkyil 'khor la ste mtshan mo shes rab rab tu grags zhes pa'i shes par byed pa las so/ /slar yang lha dang lha mo de
209a7 dag gi bar gyi mtshams brgyad du bdud rtsi'i bum pa brgyad do/ /de ltar lha dang lha mo nag dang dmar dang ser ba dang ni ri bong 'dzin pa lta bur dkar ba ste zhes so/ /shar gyi sgor khro bo shin tu stobs te kha dog dang zhal dang phyag ni don yod grub pa lta bu nag po'o/ /lho'i
iiif viewer powered by OpenSeadragon
Texts on this page
D845 - bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od ces bya ba