| e-texts navigator |
| བོད་ཡིག |
204b1 dang / lte ba nas gsang ba'i pad+ma'i mthar thug pa lhun po chen po'o/ /gsang ba'i pad+ma ni bcom ldan 'das kyi pad+ma bzhin no/ /bshang ba dang gcib dang khu ba 'bab pa'i rtsa gsum ni zla ba dang nyi ma dang sgra gcan gyi dkyil 'khor te gsang ba'i pad+ma'i lte bar de rnams 'dus pa'o/ /
204b2 de bzhin du de'i steng du khang pa brtsegs pa kun nas dri med 'od zer 'phro ba 'am rdo rje las skyes te hu~M yig las skyes pa'i rdo rje gur ni yum gyi skye gnas su ste/ rdo rje dang bcas pad+ma zhes pa'i shes par byed pa las so/ /de nyid kyis na yang na rdo rje'i rang bzhin gyi gur ro/ /de'i
204b3 dbus su rdo rje'i sa la b+h+ru~M yig yongs su gyur pa 'am o~M yig yongs su gyur pa las nor bu'i tshogs kyi dkyil 'khor 'od zer rnam par 'phro ba ste/ o~M yig ye shes las skyes rgyal ba mchog gi pad+ma zla ba dang ni nyi ma dag gi gdan zhes pa sa'i dkyil 'khor gyi mthar thug par
204b4 thugs kyi dkyil 'khor ro/ /de'i phyi rol du ni gsung gi dkyil 'khor rgya mtsho'i dkyil 'khor gyi mthar thug pa ste nor gyi pad+ma zhes pa pad+ma brgyad po 'di ni zla ba nyi mas rnam par dman pa'o/ /de nyid kyi phyi rol du sku'i dkyil 'khor rlung gi dkyil 'khor gyi mthar thug pa ste nyin
204b5 mor byed pa'i pad+ma zhes pa pad+ma bcu gnyis zla ba nyi mas rnam par dman pa dang de bzhin du sgo bzhir shing rta rnams so/ /de ltar sku'i dkyil 'khor ni zheng du dpag tshad bzhi 'bum mo/ /de'i phyed ni gsung gi dkyil 'khor dang de'i yang phyed ni thugs kyi dkyil 'khor dang de'i
204b6 yang phyed ni bde ba chen po'i 'khor lo dang de'i yang phyed ni bcom ldan 'das kyi pad+ma'o/ /pad+ma'i sum cha ni lte ba ste de bzhin du zla ba dang nyi ma dang sgra gcan gyi dkyil 'khor rnams so/ /de bzhin du nang du ni snying kha nas 'og dang steng du gsang ba'i pad+ma dang spyi bo ji srid par ro/ /
204b7 yang na snying kha nas dpung ba dang nye ba'i dpung ba dang sen mo'i mtha' ji srid par te ma'i lus la rnam par brtags pa bsgom pa'i phyir ro zhes pa ni nges pa'o/ /de ltar dkyil 'khor re re la sgo bzhi bzhi ste de ltar sgo bcu gnyis rnams ni nyi ma'i sgo rnams su ste rgyal po zhes pa bod pa'o/ /
iiif viewer powered by OpenSeadragon
Texts on this page
D845 - bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od ces bya ba