rKTs

e-texts navigator

Volume

Page

203a₁ nas bsdu ba'i dngos po bzhi bsam par bya ste sbyin pa dang snyan par smra ba dang don spyod pa dang don mthun pa'o/ /de nas mi dge ba bcu yongs su spang ba bsgom par bya ste srog gcod pa dang ma byin par len pa dang 'dod pa log par g.yem pa dang du smra ba dang
203a₂ tshig rtsub dang phra ma dang tshig 'khyal pa dang brnab sems dang gnod sems dang log lta'o/ de bzhin du 'gyod pa dang rmugs pa dang gnyid dang rgod pa dang the tshom ste sgrib pa lnga yongs su spang bar bya'o/ /de bzhin du 'dod chags dang zhe sdang dang gti mug dang nga rgyal te nyon
203a₃ mongs pa rnams yongs su spang bar bya'o/ /de bzhin du 'dod pa'i zag pa dang srid pa'i zag pa dang ma rig pa'i zag pa dang lta ba'i zag pa spang bar bya'o/ /de nas rnam par thar pa bzhi bsgom par bya ste/ stong pa nyid dang mtshan ma med pa dang smon pa med pa dang mngon
203a₄ par 'dus ma byas pa bsgom par bya'o/ /rgyu ba dang mi rgyu ba dang bcas pa'i khams gsum po tshigs su bcad pa 'dis rnam par dpyad par bya ste/ dngos po med la bsgom pa med/ /sgom pa sgom pa nyid ma yin/ /de ltar dngos po dngos min pas/ /sgom pa
203a₅ dmigs su med pa'o zhes pa'o/ /'di'i don ni 'chad par 'gyur ba las brjod par bya'o/ /da ni stong pa zhes pa la sogs pas yang srid pa gzung ba'i slad du stong pa nyid kyi mtshan nyid gsungs te/ stong pa dngos po'i ngo bo'i rang bzhin 'gro ba mtha' dag 'di ni dngos
203a₆ po dag gis rnam par dman pa gang yin pa'i stong pa chen po de las kyang sangs rgyas byang chub med cing gzhan phan snying rje dag kyang med do/ /de bzhin du 'gro ba la phan pa'i phyir sangs rgyas su bya'o zhes pa mtshan ma'i dam bca' med pa ste mtha' dag de ltar shes nas sangs
203a₇ rgyas nyid kyi slad du de lta na yang mi yi bdag po sku gsung thugs kyi rdo rje ni/ /dpag med yon tan dkyil 'khor dbang po dkyil 'khor la ni byang chub sems dpa' rnams kyis bsgom par bya zhes pa ste 'jig rten pa'i 'bras bu bsgrub pa dang sems can thams cad la yang dag

_{iiif viewer powered by OpenSeadragon}

202b - 203b

Texts on this page