| e-texts navigator |
| བོད་ཡིག |
199b1 bstan par rab tu gsal mdzad pa/ 'jam dang sra dang gzhan pa'i bag chags stobs kyis skyes bu rnams kyi sems kyi rjes su 'brang ba ste/ /sems ni nges par dngos po'i tshon gyis nye bar gzhag pa dag las shel bzhin tshon ldan nyid 'gyur ba/ /gang yin de phyir rang gzhan rigs su gyur pa'i
199b2 chos ni 'ga' yang rnal 'byor pa yis sun mi dbyung / /chos ni sems can phan pa yul dang rnam par bral ba dag ste chos min dag kyang gnod pa'o/ /'tshe ba'i rig byed tshad ma can ni bde ba'i 'bras bu mi ster dus kun du ni sdug bsngal ster/ /dam pa'i byams ldan rmongs pa'i tshig las mchog
199b3 gi bde ba byed cing sems can de la rjes su chags/ /de phyir sems can don ni gcig pu dag dang mi bdag yid kyis rang bzhin med pa bsgom par bgyis/ /lha mi'i bla ma nga ni mtho ris 'jig rten dag tu dbang po sa steng du ni 'khor los sgyur/ /sa 'og dag tu klu yi rgyal po gdengs can rigs kyis btud
199b4 dang kun du 'gro dang mchog da ste/ /ye shes sangs rgyas thub dbang 'gyur med mchog dang khyab bdag rnal 'byor rnams kyi rdo rje rnal 'byor dang / /rigs byed o~M gyi yi ge gtsang ma dag ste rgyal po dngos po kun gyis bdag la skyabs su song zhes pa ni skyabs kyi nges pa'o/ /da ni nyi ma'i shing rtas phyag byas pa/ /
199b5 khyod ni ma dang khyod ni pha ste khyod ni 'gro ba'i bla ma khyod ni gnyen dang grogs bzang yang / /khyod ni mgon po khyod ni byed po phan dang sdig 'phrog khyod ni go 'phang phun sum tshogs pa yang / /khyod ni 'ba' zhig gnas dang khyod ni yon tan mchog gi gnas te skyon rnams bcom pa khyod nyid do/ /khyod ni dman pa
199b6 rnams kyi mgon dang yid bzhin nor bu rgyal ba'i dbang po khyod la bdag skyabs mchi/ /zhes te nyi ma'i shing rtas bla ma'i phyag gis bcom ldan 'das 'jam dpal la bstod nas zhabs gnyis po spyi bor byas te slar yang rang gi stan la 'khod do/ /bsdus pa'i rgyud kyi rgyal po dus kyi 'khor lo'i 'grel
199b7 bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las rang dang gzhan gyi lta ba rigs pas rnam par dpyad pa'i mdor bsdus chen po ste bdun pa'o/ / //nang gi le'u'i 'grel bshad rdzogs so// //
iiif viewer powered by OpenSeadragon
Texts on this page
D845 - bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od ces bya ba