| e-texts navigator |
| བོད་ཡིག |
17a1 sbyor ba yan lag drug gis sku rdzogs pa'i 'gyur ba med pa'i skad cig thob pa'o/ /bar ma'i mtshan ma ni mchog tu mi 'gyur ba'i skad cig brgya phrag brgyad kyis sa dang po thob pa dang mngon par shes pa lnga dang ma mthong ba'i don yang dag par mthong ba dang /
17a2 'jig rten pa'i dngos grub thob pa'o/ /tha ma'i mtshan ma ni sangs rgyas nyid dang rdo rje 'chang nyid de mchog tu mi 'gyur ba'i skad cig drug brgya lhag pa'i stong phrag nyi shu rtsa gcig gis sa bcu gnyis pa thob nas phyag rgya chen po'i dngos grub thob pa'o/ /rdo rje'i tshig la sogs pa
17a3 mtshan ma sngon du 'gro ba can 'di dag rab tu gsal bar rgyud kyi rgyal po mchog gi dang po'i sangs rgyas las bcom ldan 'das kyis gsungs so/ /de'i phyir rgyud ni rgyud gzhan tshol ba rnams la rgyud kyi rgyal po thams cad kyi rdo rje'i tshig mngon du gyur pa'o/ /sangs rgyas rin
17a4 chen za ma tog kha 'byed pa zhes pa la sangs rgyas rin chen ni mchog tu mi 'gyur ba'i bde ba yin la za ma tog ni rdo rje dang pad+ma ste sangs rgyas rin chen za ma tog go/ /de nyid rgyud kyi rgyal po gang gis kha 'byed pa de ni sangs rgyas rin chen za ma tog kha 'byed pa'o/ /'jig rten dang
17a5 'jig rten las 'das pa'i bden pa la rten pa zhes pa la 'jig rten pa'i bden pa ni dkyil 'khor gyi 'khor lo rnam par rtog pa'i bsgom pa skyed pa'i rim pas 'jig rten pa'i dngos grub sgrub par byed pa'o/ /'jig rten las 'das pa'i bden pa ni du ba la sogs pa'i mtshan
17a6 ma dang rnam par mi rtog pa'i sems rdzogs pa'i rim pas phyag rgya chen po'i dngos grub sgrub par byed pa'o/ /rdzogs pa'i rim pa ni lhan cig skyes pa rnam par mi rtog pa ste rnam pa thams cad du zhal dang phyag dang kha dog dang dbyibs kyi rtog pa dang bral ba'o/ /bden pa 'di dag
17a7 la rten pa ni 'jig rten dang 'jig rten las 'das pa'i bden pa la brten pa ste lam gnyis ka ston pa'i phyir ro/ /mngon par rdzogs par byang chub pa bzhi dang rdo rje bzhis yongs su dag pa zhes pa ni skad cig gcig gis mngon par rdzogs par byang chub pa dang / rnam pa lngas
iiif viewer powered by OpenSeadragon
Texts on this page
D845 - bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od ces bya ba