rKTs

e-texts navigator

Volume

Page

16b₁ zhes gsungs pa'i phyir ro/ /de yang de bzhin no zhes gsungs pa'i phyir/ shes rab ye shes de nyid bzhi par 'gyur ro/ /bcom ldan 'das kyi gsung 'di'i phyir rdo rje'i tshig tu sbas pa yin no/ /rgyud kyi rgyal po thams cad la rdo rje'i tshig rab tu gsal ba ma yin
16b₂ zhing bla ma brgyud pa'i rim pas rtogs par bya ba yin te rgyud ni rgyud gzhan dag gis rtogs par bya zhes de bzhin gshegs pas gsungs pa'i phyir ro/ /sngags kyi tshul 'di la rdo rje'i tshig rnam pa gnyis te gcig ni 'jig rten pa'i kun rdzob yin la gnyis pa ni don dam pa'o/ /
16b₃ de dag las 'jig rten kun rdzob kyi rdo rje'i tshig ni gsod pa la sogs pa'i las la dam tshig grub pa ster bar byed pa'o/ /don dam pa'i bden pa'i rdo rje'i tshig ni bzhi pa de yang de bzhin te/ phyag rgya chen po'i dngos grub kyi 'bras bu ster bar byed pa'o/ /dang po'i sangs
16b₄ rgyas 'di la rdo rje'i tshig de dag nyid rab tu gsal bar bstan pa dang bshad pa dang rab tu bshad pa dag gis bcom ldan 'das kyis gsal bar mdzad do/ /de nyid bsgrub pa la phyag rgya chen po bsgom pa du ba la sogs pa mtshan ma'i lam rab tu gsal bar mdzad de/ stong bar
16b₅ rtse gcig yid byas te/ /nyi ma gcig ni yongs su brtag ces pas so/ /bcom ldan 'das kyi gsung 'di'i phyir mchog gi dang po'i sangs rgyas la rdo rje'i tshig phyag rgya chen po bsgom pa'i lam du ba la sogs pa rab tu gsal ba yin gyi bla ma brgyud pa'i rim pas 'ongs pa
16b₆ ma yin la bla ma'i bkas byin gyis brlabs pa yang ma yin no/ /lam 'di la yang nyin dang mtshan mor yid ches pa yod de nyi ma gcig ni yongs su brtag ces bcom ldan 'das kyis gsungs pa'i phyir ro/ /'dir du ba la sogs pa'i mtshan ma bor nas gzhan sngags
16b₇ la sogs pa'i sgrub thabs nyi ma gcig gis rnal 'byor pas yongs su brtag par bya ba ma yin no/ /mtshan ma yang rnam pa gsum ste dang po'i mtshan ma dang / bar ma'i mtshan ma dang / tha ma'i mtshan ma'o/ /dang po'i mtshan ma ni du ba la sogs pa'i lam dang

_{iiif viewer powered by OpenSeadragon}

16a - 17a

Texts on this page