rKTs

e-texts navigator

Volume

Page

15b₁ kyi bdag nyid gnyis su med pa dang rnal 'byor brjod bya rjod byed kyi mtshan nyid du mi 'gyur ro/ /rnal 'byor gyi sgra ni thabs kyi don rjod par byed pa'am shes rab kyi don rjod par byed pa yang ma yin te rnal 'byor gyi sgra ni thabs dang shes rab kyi don rjod par byed pa'o/ /de bzhin du yang
15b₂ gsungs pa/ rnal 'byor thabs kyi lus dang ni/ /shes rab gcig pu dag gis min/ /thabs dang shes rab snyoms 'jug pa/ /de bzhin gshegs pas rnal 'byor gsungs zhes so/ /de'i phyir rgyud gang la thabs dang shes rab kyi bdag nyid kyi brjod par bya ba
15b₃ yod pa'i rgyud de ni don dam par shes rab kyi rgyud kyang ma yin la thabs kyi rgyud kyang ma yin no/ /'jig rten gyi kun rdzob tu me long lta bu'i ye shes la sogs pa'i dbye bas phung po dang khams rnam par dag pa las thabs dang shes rab kyi phyogs su dbang po rtul po'i sems can
15b₄ gyi bsam pa'i dbang gis de bzhin gshegs pas gsungs so/ /de bzhin du rnal 'byor ma'i ming can la yang ngo / /'dir 'di la rnal 'byor gyi ngang tshul yod pa'i phyir rnal 'byor pa'o/ /de bzhin du rnal 'byor ma yang ngo / /de'i phyir gzhan la ltos pa nyid
15b₅ las rnal 'byor gyi rgyud dang rnal 'byor ma'i rgyud du yang 'gyur ro/ /des na don dam pa'i bden pas thabs dang shes rab kyi bdag nyid can rnal 'byor gyi rgyud rigs med pa dus kyi 'khor lo'o/ /rdo rje 'dzin pa'i ye shes kyi sku mngon du gyur pa'i mtshan yang dag par brjod
15b₆ pas 'khyud pa zhes pa ni dang po'i sangs rgyas mngon par brjod pa nyid kyi phyir ro/ /'dir ji ltar mtshan yang dag par brjod pa 'das pa dang ma 'ongs pa dang da ltar byung ba'i de bzhin gshegs pa rnams kyis gsungs pa dang gsung bar 'gyur ba dang gsung ba de bzhin
15b₇ du dang po'i sangs rgyas kyang ngo / /dang po'i sgras ni thog ma dang tha ma med pa'i don to/ /thog ma med pa'i dus su thog ma med pa'i sangs rgyas kyis bstan pa dang ston par 'gyur ba dang ston pa ste de bzhin gshegs pa mar me mdzad dang shAkya thub pa 'ba' zhig gis

_{iiif viewer powered by OpenSeadragon}

15a - 16a

Texts on this page