rKTs

e-texts navigator

Volume

Page

15a₁ khri gcig stong drug brgya rnams 'gog pa'o/ /de 'di la yod pa ni chos kyi sprin gyi sa ste de la gnas pa ni ro ldan na gnas pa'o/ /bdud dang nyon mongs pa dang shes bya dang snyoms 'jug gi sgrib pa'i gnod sbyin rnams gsod par byed pa ni gnod sbyin gyi bdag po
15a₂ ste/ de bzhin gshegs pas chos kyi seng ge'i sgra dang sems can so so'i sgra dag gis bstan pa'i chos rnams rab tu ston par byed pa po sprul pa'i sku phyag na rdo rje zla ba bzang pos gsol ba btab par gyur pa de yis so/ /mchog gi dang po'i sangs rgyas zhes pa ni brjod bya mchog
15a₃ gi dang po'i sangs rgyas rjod par byed pa'i phyir te brjod bya 'di rjod par byed pa'i ngo bo nyid kyis gnas pa'i phyir mchog gi dang po'i sangs rgyas so/ /dus kyi 'khor lo ni brjod bya dus kyi 'khor lo rjod par byed pa'i phyir dus kyi 'khor lo'i rjod byed do/ /stong phrag bcu gnyis
15a₄ pa zhes pa ni stong phrag brgyad cu rtsa bzhi lhag pa'i 'bum phrag gsum gyi yi ge'i tshogs te yi ge sum cu rtsa gnyis pa rjes su bsngags pa stong phrag bcu gnyis yod pa ni stong phrag bcu gnyis pa'o/ /rigs med pa zhes pa ni brjod bya rigs med pa rjod par byed pa'i phyir ro/ /
15a₅ 'dir rigs ni shes rab kyi phyogs dang thabs kyi phyogs te phyogs spangs pa gang gi phyir rigs de med pa'i rgyud de ni rigs med pa shes rab dang thabs kyi bdag nyid can rnal 'byor gyi rgyud ces rgyal bas gnyis su med par gsungs so/ /brjod par bya ba thabs dang shes
15a₆ rab kyi bdag nyid can gyi rgyud kyi rgyal po 'di la/ thabs dang shes rab kyi phyogs tha dad na thabs dang shes rab kyi bdag nyid can gyi brjod par bya ba med par 'gyur ro/ /thabs dang shes rab kyi bdag nyid can gyi brjod par bya ba med na gnyis su med pa'i ye shes med
15a₇ par 'gyur ro/ /gnyis su med pa'i ye shes med na sangs rgyas nyid kyang med par 'gyur ro/ /sangs rgyas nyid med na 'khor ba'o/ /'dir rjod par byed pa dang brjod par bya ba 'brel pa med par thabs kyi ming can gyi rnal 'byor gyi rgyud la thabs dang shes rab

_{iiif viewer powered by OpenSeadragon}

14b - 15b

Texts on this page