| e-texts navigator |
| བོད་ཡིག |
14b1 pa'i phyir bcom pa dang dbang phyug la sogs pa thams cad mkhyen pa'i yon tan gyi tshogs te bcom pa de 'di la ldan pa'i phyir bcom ldan no/ /dus ni mchog tu mi 'gyur ba'i bde ba chen po'i mtshan nyid de des gang gi lus phung po dang khams la sogs pa sgrib pa med pa'i
14b2 'khor lor bskyed pa de ni dus kyi 'khor lo'o/ /gzhan yang yi ge so so re res te/ /kA yig gis ni rgyu zhi ba/ /la yig 'di la thim pa nyid/ /tsa yig gis ni g.yo ba'i sems/ /kra yig rim pa bcings las so/ /rim pa ni lus la sogs pa'i thig le
14b3 rnams 'pho ba yin la de lhan cig skyes pa'i bde bas bcings pa ni kA la tsakra ste bcom ldan 'das dus kyi 'khor lo de yis so/ /zla ba bzang pos gsol ba btab par gyur pas zhes pa ni 'di ni zla ba yang yin la bzang po yang yin pa'i phyir zla ba bzang po ste de bzhin gshegs
14b4 pa thams cad kyi nyan pa por gyur pa rdo rje zla ba dri ma med pa'i 'od do/ /sems can thams cad kyi skad tha dad pa dag gis de bzhin gshegs pas chos gsungs pa rnams yang dag par sdud par byed pa'i phyir de bzhin gshegs pa thams cad kyi nyan pa por gyur pa'i gsang ba'i
14b5 bdag po ste gsang ba ni nyan thos dang rang sangs rgyas kyi theg pa dag las mchog tu gyur pa rdo rje'i theg pa'o de'i yang dag par sdud pa po yin pas na bdag po ste gsang ba'i bdag po'o/ /de bzhin du phyi rol du ni 'jig rten gyi bden pas gsang ba'i sgras gnod sbyin rnams te
14b6 de dag gi bdag po ni gsang ba'i bdag po'o/ /ro ldan na gnas pa ni phyi rol du ro'i sgras srog nyams pa shi ba'i tshogs so/ /de 'di la yod pa'i phyir ro ldan te dur khrod kyi sa'o/ /de na gnod sbyin chen po sems can rnams la rnam par mtho 'tsham zhing bgegs du
14b7 ma byed pa po dag yod la de dag gsod par byed pa po ni ro ldan na gnas pa ste/ nags kyi kyi bdag po zhes pa bzhin du ro ldan na gnas pa gnod sbyin chen po rnams kyi bdag po'o/ /nang du ni ro zhes pa dbugs 'byung ba dang 'jug pa sum stong drug brgyas dman pa'i nyi
iiif viewer powered by OpenSeadragon
Texts on this page
D845 - bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od ces bya ba