rKTs

e-texts navigator

Volume

Page

14a₁ sangs rgyas dang byang chub sems dpa' dang khro bo'i rgyal po dang lha dang klu dang lha dang lha mo'i tshogs kyis yongs su bskor ba zhes pa la sangs rgyas ni mi bskyod pa la sogs pa'o/ /byang chub sems dpa' ni kun du bzang po la sogs pa'o/ /khro bo'i rgyal po ni
14a₂ gtsug tor la sogs pa'o/ /lha ni dbang phyug la sogs pa'o/ /klu ni mtha' yas la sogs pa'o/ /lha mo ni rdo rje dbyings kyi dbang phyug ma la sogs pa dang / chos kyi dbyings la sogs pa dang / shin tu sngon mo la sogs pa dang / tsaR+tsi kA la sogs pa dang / gau
14a₃ rI la sogs pa dang / khyi gdong ma la sogs pa ste de dag gi 'dus pa ni tshogs so/ /des yongs su bskor ba ni lha dang lha mo'i tshogs kyis yongs su bskor ba ste lha dang lha mo'i tshogs kyis yongs su bskor ba de yis so/ /khams gsum pas zhabs kyi pad+ma la phyag
14a₄ byas pa zhes pa la khams gsum pa ni 'dod pa dang gzugs dang gzugs med pa ste de dag gis gang gi zhabs kyi pad+ma la phyag byas pa de ni khams gsum pas zhabs kyi pad+ma la phyag byas pa ste khams gsum pas zhabs kyi pad+ma la phyag byas pa de yis so/ /khams gsum
14a₅ gyi 'khor los sgyur ba zhes pa ni gang gi chos kyi 'khor lo khams gsum du cig car rab tu 'khor ba de ni khams gsum pa'i 'khor los sgyur ba ste khams gsum pa'i 'khor los sgyur ba de yis so/ /mchog gi dang po'i sangs rgyas zhes pa la mchog gi dang po'i sangs
14a₆ rgyas ni skad cig gcig dang rnam pa lnga dang rnam pa nyi shu dang sgyu 'phrul dra bas mngon par rdzogs par byang chub pa'i mtshan nyid 'gyur ba med pa'i bde ba ni mchog yin la/ des dang por sangs rgyas pa ni mchog gi dang po'i sangs rgyas de yis so/ /rigs med pa zhes pa la
14a₇ rigs ni shes rab dang / thabs kyi bdag nyid gzung ba dang 'dzin pa'i mtshan nyid kyi chos te rigs de gang gis spangs pa de ni rigs med pa ste rigs med pa de yis so/ /bcom ldan 'das dus kyi 'khor lo zhes pa la bcom ldan ni bdud dang nyon mongs pa bcom

_{iiif viewer powered by OpenSeadragon}

13b - 14b

Texts on this page