rKTs

e-texts navigator

Volume

Page

13b₁ gnod byed min pa'i sems can bsad/ /de yi sha de nyo ba dang / /za 'dod kha na ma tho bcas/ /ma blangs snod du lhung gyur pa/ /de nyid kha na ma tho med/ /srog chags gcig gi sha dag ni/ /mang po rnams kyis zos pa mchog /srog chags du ma'i sha dag ni/ /yid
13b₂ skyes gcig gis zos pa min/ /snying rje bskyed de de nyid las/ /rnam par mi rtog sems kyis ni/ /rnal 'byor ldan pas bza' bya ba/ /kha na ma tho med gzhan min/ /rigs su 'dzin pa gzhom pa'i phyir/ /rtag tu bza' dang btung ba dang / /rigs min mngon
13b₃ bgrod rdo rje can/ /de nyid gzigs pa dag gis gsungs zhes pa'o/ /de ltar gsungs pa'i rim pas nges pa dang bral ba rnams la sangs rgyas nyid kyi 'bras bu rab tu ster ba ni rgyud kyi rgyal po'o/ /sangs rgyas nyid ni thams cad mkhyen pa nyid dang / rnam pa thams cad
13b₄ mkhyen pa nyid dang / lam mkhyen pa nyid dang / lam gyi rnam pa mkhyen pa nyid dang / stobs bcu dang mi 'jigs pa la sogs pa'i yon tan rnam par 'byor pa ste de ster ba ni sangs rgyas nyid kyi 'bras bu rab tu ster ba'o/ /bde ba chen po'i gnas zhes pa ni bde ba chen
13b₅ po'i gnas chos kyi dbyings nam mkha'i mtshan nyid can dog pa med pa'i chos 'byung 'jig rten gyi dpe las 'das pa kun tu bzang po'i bde ba chen po'i gnas so/ /mchog gi dang po'i sangs rgyas rdo rje dbyings kyi dkyil 'khor chen por zhes pa ni rigs med pa shes pa dang
13b₆ shes bya gcig tu 'dres par gyur cing gcad du med la dbyer med pa rnam pa thams cad du dbyings kyi mtshan nyid me long gi pra phab pa dang mtshungs pa ste/ rdo rje dbyings kyi dkyil 'khor chen po der ro/ /rdo rje seng ge'i khri la bzhugs pa ni rdo rje seng ge'i khri zla ba dang nyi ma dang
13b₇ me'i dkyil 'khor gcad du med cing dbyer med pa'am e yig nam mkha'i khams ni rdo rje seng ge'i khri'o/ /de la bzhugs pa ni rdo rje seng ge'i khri la bzhugs pa sku dang gsung dang thugs dang ye shes kyi bdag nyid waM yig ste rdo rje seng ge'i khri la bzhugs pa de yis so/ /

_{iiif viewer powered by OpenSeadragon}

13a - 14a

Texts on this page