| e-texts navigator |
| བོད་ཡིག |
12a1 dag par bsdu ba dang rtsis kyi ming bsdu ba'i ngo bo nyid kyis gnas pa dang / yi ge lnga dang yi ge drug gi stong pa chen po dang thig le stong pa la bstod pa'i ngo bo nyid kyis gnas pa zhes bya ba ni ye shes kyi le'u la'o// //des na rim pa 'dis gsungs pa'i
12a2 phyir le'u lnga'i ngo bo nyid kyis gnas pa'i bcom ldan 'das dus kyi 'khor lo ni 'dir brjod par bya ba'o/ /'di ston par byed pa'i le'u'i tshogs rgyud kyi rgyal po ni rjod par byed pa'o/ /brjod bya rjod byed 'di dag phan tshun brjod bya rjod byed kyi mtshan nyid ni 'brel pa ste/ brjod
12a3 par bya ba ni bcom ldan 'das dus kyi 'khor lo le'u lnga'i ngo bo nyid kyis bzhugs pa yin la rjod par byed pa ni dus kyi 'khor lo rjod par byed pa le'u lnga'i bdag nyid do/ /yang dang po'i sangs rgyas bcom ldan 'das ni brjod par bya ba yin la rjod par byed pa ni dang po'i sangs
12a4 rgyas rjod par byed pa'o zhes bya ba brjod bya rjod byed kyi mtshan nyid ni brjod bya rjod byed kyi 'brel ba'o/ /de nas dkyil 'khor du zhugs pa las 'jig rten pa'i dbang sbyin pas bsod nams kyi tshogs kyi don byed pa ni dgos pa'o/ /shes rab chen po 'jig rten las 'das pa'i dbang
12a5 bzhi pa sbyin pas rigs med pa phyag rgya chen po'i dngos grub thob pa la bsod nams dang ye shes kyi tshogs kyi don byed pa ni dgos pa'i dgos pa ste/ brjod bya la sogs pa'i mtshan nyid 'di dag nyid mngon par gzigs nas/ gdul bya'i skye bo nges pa dang bral ba rnams la rang gi
12a6 sems kyi bsam pas zhes bya ba la/ nges pa ni nyan thos pa'i mchog gi sdom pa 'dod pa lnga la nye bar longs spyod pa dang bral ba'i tshul khrims kyi sdom pa ste de dang bral ba ni nges pa dang bral ba'o/ /de dag gi rang gi sems kyi bsam pa ni 'dod pa lnga la nye bar longs spyod par
12a7 'dod pa'o/ /de bzhin du dbang po gnyis kyi bde ba chen po 'dod pa ni nges pa dang bral ba rnams kyi rang gi sems kyi bsam pa ste/ rang gi sems kyi bsam pa 'dis skye ba 'di la sangs rgyas nyid kyi 'bras bu rab tu ster ba zhes bya ba ni skye ba 'di mi'i skye ba la sangs rgyas nyid kyi
iiif viewer powered by OpenSeadragon
Texts on this page
D845 - bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od ces bya ba