| e-texts navigator |
| བོད་ཡིག |
38a1 shing bsod nams che/ /yon tan rtse mo stobs po che/ /mdo sde 'di la dbang bskur phyir/ /sangs rgyas brgyad stong der gshegs so/ /byang chub sems dpa' lag na rdo rjes mdo sde 'di nyid kyis mi 'jigs pa'i lag pa spyi bor bzhag ste/ dge bar
38a2 byed par 'gyur ro/ /gang gis gsang sngags 'di sa'am/ ri'am/ klung gi ngogs sam/ rgya mtsho'i drung du bcangs na 'jigs pa thams cad kyis 'jigs pa med par 'gyur ro/ /de nas bcom ldan 'das la byang chub sems dpa' lag na rdo rjes 'di skad ces
38a3 gsol to/ /su mdo sde 'di 'chang ngam/ klog pa dang / gzhan dag la yang rgya cher yang dag par rab tu ston pa de bro nad ma mchis par lo brgyar 'tsho bar 'gyur ro/ /lag na rdo rjes yang gsol pa/ chos kyi rnam grangs 'di'i ming ci lags/ 'di ji ltar bzung bar bgyi/
38a4 bcom ldan 'das kyis bka' stsal pa/ mdo sde 'di ni de bzhin gshegs pa'i sprul pa zhes bya bar zung shig /chos kyi nyi ma zhes bya bar yang zung shig /chos kyi zla ba zhes bya bar yang zung shig /don thams cad grub pa zhes bya bar yang zung shig /de bzhin gshegs
38a5 pa thams cad kyi chos kyi sprin ces bya bar yang zung shig / sdig pa thams cad 'byang bar byed pa'i gzungs sngags zhes bya bar yang zung shig /rig sngags 'chang thams cad 'grub pa'i rgyal po zhes bya bar yang zung shig /shes rab kyi pha rol tu phyin pa zhes bya bar yang
38a6 zung shig / chos kyi dbyings de bzhin gshegs pa thams cad kyi sngon du 'gro ba zhes bya bar yang zung shig /rig sngags kyi rgyal po stobs po che zhes bya bar yang zung shig /gsang ba pa'i bdag po lag na rdo rje su mdo sde 'di 'dzin pa dang / 'chang ba dang / klog pa dang / yi ger
38a7 'drir 'jug pa dang / bsti stang du byed pa dang / bla mar byed pa dang / rim gror byed pa dang / mchod pa byed pa des 'das pa dang / ma 'ongs pa dang / da ltar byung ba'i sangs rgyas dang / byang chub sems dpa' rnams la mchod pa byas par 'gyur ro/ /'das pa dang /
iiif viewer powered by OpenSeadragon
Texts on this page
D947 - 'phags pa stobs po che zhes bya ba theg pa chen po'i mdo