| e-texts navigator |
| བོད་ཡིག |
246a1 dang / mngar gsum dang / 'bras dang / nas kyi zan la sogs pa bza' ba dang / btung ba mang du rnyed nas mo de'i drung du khyer nas bstabs pas/ kha nas gong gi sgra rnam pa lnga brjod cing gang byin pa mi len par bros te thal na 'di ci
246a2 las gyur pa dang / 'di la sman pa'i thabs ci mchis zhu ru mchis pa lags so/ /bka' stsal pa/ rigs kyi bu dag de ni shin tu yang legs so/ /ngas bshad kyis legs par nyon la yid la zung shig /de ci las gyur na lus sngo la skam pa ni rang gis za ma phod pa
246a3 las gyur to/ /ske phra ba ni gzhan za zhing spyod pa la bdag gis ser sna byas pa las gyur to/ /yan lag phra la sor mos thad kar phug pa ni gzhan la sbyin bdag la ches kyis phri la byin ces byas pa dang / rang gis kyang spyod mi phod pa las gyur to/ /skra 'dzings pa ni kun
246a4 gyi yid du mi 'ong ba byas pa las gyur to/ /mig dmar ba ni 'dod chags kyis yongs su rgyas pa las gyur to/ /g.yon du yo ba ni mig mi legs par gzhan la bltas pa las gyur to/ /ma mchu ring la g.yas su yo ba ni ster na yang ches par 'ong ngo zhes byas pa las gyur
246a5 to/ /kha nas sgra rnam pa lnga sgrogs pa ni byed pa rgyu mthun pa'i 'bras bu ste/ sngon brjod pa'i bag chags brtas pa las gyur to/ /de lta bu'i las kyi dbang gis gzhan ci byin yang phan par mi 'gyur te/ chu gcig pu las rang gis sbyin nus pa ma yin te/ gzhan
246a6 gyi tshul 'jur 'gegs ma byas pas da lta yang chu gtsang ma rtsam pas ma reg pa la sngags lan cig btab ste/ se gol lan cig gtogs te byin na de'i rgyud grol zhing 'dod pa tshim par 'gyur ro/ /de 'di lta ste/ oM dz+wa la mi daM sarba pre ta b+h+yaHswA hA/ gsol pa/ de'i
246a7 'bru don bshad du gsol/ bka' stsal pa/ oM ni ye shes lnga'i rang bzhin te don dam pa'o/ /dz+wa la 'dod pa me ltar 'bar ba'o/ /mi daM ni mi'i rgyud kyis ser sna dang 'jur 'gegs byas pa'o/ /sarba ni de lta bu'i las las gyur pa thams cad do/ /pre ta ni yi
iiif viewer powered by OpenSeadragon
Texts on this page
D1081 - 'jur 'gegs zhes bya ba'i gzungs