rKTs

e-texts navigator

Volume

Page

174a₁ ma hA lo ke shwa rA ya swA hA/ sarba sid+d+hi shwa rA ya swA hA/ rak+Sha rak+Sha mAM swA hA/ ku ru rak+Sha mu drA NAM swA hA/ na mo b+ha ga ba te Ar+yA ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ sid+d+h+ya n+tu me man+t+ra pA dA ni swA hA/ byang
174a₂ chub sems dpa' sems dpa' chen po 'phags pa spyan ras gzigs dbang phyug gis rig sngags 'di smras ma thag tu sa chen po yang rnam pa drug tu rab tu g.yos par gyur/ lha rnams kyis kyang rin po che'i me tog gi char mngon par phab par gyur/ phyogs
174a₃ bcu'i sangs rgyas rnams kyis kyang rjes su thugs dgyes par gyur/ lha'i bu'i bdud dang mu stegs can rnams ni 'jigs shing dngangs nas spu zing zhes byed par gyur/ 'khor 'dus pa mang po thams cad las kha cig gis ni rgyun du zhugs pa'i 'bras bu thob par
174a₄ gyur/ kha cig gis ni lan cig phyir 'ong ba'i 'bras bu thob par gyur/ kha cig gis ni phyir mi 'ong ba'i 'bras bu thob par gyur/ kha cig gis ni dgra bcom pa'i 'bras bu thob par gyur/ kha cig gis ni sa dang po dang sa gnyis pa dang sa gsum pa
174a₅ dang sa bzhi pa dang sa lnga pa thob pa nas sa bcu'i bar du thob par gyur/ sems can tshad med pa snyed ni byang chub tu sems bskyed par gyur to/ /de nas tshangs pa chen po stan las langs te/ gos tshags bcos nas gus par thal mo sbyar te/ byang chub
174a₆ sems dpa' sems dpa' chen po spyan ras gzigs dbang phyug la 'di skad ces smras so/ /kye skyes bu chen po legs so/ /bdag gis sngon 'das pa'i dus na de bzhin gshegs pa'i 'dus pa tshad med pa snyed dag tu chos rnam pa sna tshogs dang / gzungs rnam pa sna
174a₇ tshogs thos par gyur mod kyi/ sngon chad nam yang thogs pa mi mnga' ba'i thugs rje chen po'i sems kyi gzungs chen mo'i rig sngags kyi tshig gya nom pa 'di lta bu thos par ma gyur na/ skyes bu chen po khyod kyis bdag la gzungs 'di'i dbyings kyi mtshan nyid rgya cher

_{iiif viewer powered by OpenSeadragon}

173b - 174b

Texts on this page