rKTs

e-texts navigator

Volume

Page

170b₁ pa'i slad du smon lam 'di skad du btab lags te/ gal te bdag ma 'ongs pa'i dus na sems can thams cad la sman cing bde bar bgyid pa'i 'os su 'gyur yang dag pa zhig lags na deng bdag gi lus 'di nyid las lag pa stong dang / mig stong tshang bar 'byung
170b₂ bar gyur cig ces smon lam btab ma thag tu lus las sug pa stong dang mig stong tshang bar byung bar gyur te/ phyogs bcu'i sa chen po rnams kyang rnam pa drug tu rab tu g.yos par gyur/ phyogs bcu'i sangs rgyas rnams kyis kyang 'od zer bkye bas bdag gi lus la
170b₃ reg cing phyogs bcu'i 'jig rten gyi khams mtha' ma mchis pa rnams kyang gsal bar bgyis par gyur lags so/ /deng slan cad sangs rgyas tshad ma mchis pa'i 'khor gyi dkyil 'khor tshad ma mchis pa dag tu gzungs 'di yang dang yang du thos shing mngon sum du yang
170b₄ dag par blangs pa dang / gzhan yang dga' ba dang / mgu ba dang / rangs pa tshad ma mchis pa bskyed pas bskal pa 'bum phrag tshad ma mchis pa snyed kyi 'khor ba phra mo las yang dag par 'das par gyur lags so/ /deng slan cad gzungs 'di rtag par 'don
170b₅ cing yongs su bzung nas nam du yang mi bskyud par bgyis pa'i slad du skye ba thams cad du rtag par sangs rgyas rnams kyi spyan sngar pad+ma las rdzus te skyes pas mngal du skye ba'i lus blangs par ma gyur lags so/ /dge slong ngam/ dge slong ma'am/ dge bsnyen nam/ dge
170b₆ bsnyen ma'am/ khye'u 'am/ bu mo gang la la zhig 'di 'don cing yongs su 'dzin par 'tshal ba des sems can rnams la snying brtse ba'i sems bskyed nas/ dang po kho nar bdag la smon lam 'di skad gdab par bgyi lags so/ /spyan ras gzigs dbang thugs rje che la
170b₇ phyag 'tshal lo/ /bdag gis chos rnams thams cad myur du rtogs par shog /spyan ras gzigs dbang thugs rje che la phyag 'tshal lo/ /bdag gis ye shes mig ni myur du thob par shog /spyan ras gzigs dbang thugs rje che la phyag 'tshal lo/ /bdag gis sems

_{iiif viewer powered by OpenSeadragon}

170a - 171a

Texts on this page