| e-texts navigator |
| བོད་ཡིག |
63b1 mnan byas la/ /nang hU~M puSh+Ti~M a bu tse swA hA/ snying gar bris nas brjod bya ba/ /snying po sngags kyi dam pa ste/ /bla med dam pas rab tu bshad/ /o~M badzra puSh+TiM A yu ba shang shrI puSh+TiM swA hA zhes brjod na thams cad rgyas par 'gyur ro/ /'phags pa las bzhi 'khor lo
63b2 gsang ba'i rgyud las/ /thams cad rgyas par bya ba'i le'u ste gsum pa'o// //de nas bcom ldan 'das de bdag nyid dbang gis 'du ba zhes bya ba'i ting nge 'dzin la snyoms par zhugs nas ched du brjod pa 'di brjod do/ /zangs las 'brel ba'i yul dag la/ /rang
63b3 dbang med de dbang bsdus nas/ /'du ba'i sems dang ldan byas te/ /dkyil 'khor rab tu bshad par bya/ /zangs sam dmar po'i sa dag la/ /dkyil 'khor snga ma dag dang 'dra/ /legs par khod snyoms zin pa dang / /thig ni rab tu gdab par bya/ /lte ba can la rtsibs
63b4 brgyad pa/ /kun tu zlum pas rgyas pa mtha'/ /lte dbus gzhu bdungs bris byas la/ /de steng bdag po dam pa gzhag /thams cad ma lus mchog tu 'gugs/ /sa pa la yang thogs pa med/ /zhes ni yang dag bla med des/ /bshad par bya ste rab tu bsten/ /
63b5 gzhan yang rab tu bshad bya ba/ /sems kyi dkyil 'khor dam pa ste/ /bla med yang dag nges pa'i lam/ /sangs rgyas byang chub la sogs rnams/ /gzhung las 'byung ba'i tshig don rnams/ /ma nor gsungs pa'i bka' bzhin du/ /bsgrubs na 'grub par bshad
63b6 pa'o/ /de dag 'gags par gyur pa na/ /phal pa gzhan lta smos ci dgos/ /bsdu dang 'dren pa byang chub lam/ /'di dag go 'phang thob bya'i phyir/ /yungs kar rkang rjes sa 'am gzhan/ /khrag gsum thal chen bsres byas la/ /ga'u'i nang du blugs byas la/ /
63b7 ga'u gnyis ni kha sbyar te/ /skud pa dmar po zangs la sogs/ /bcing ba bsdams te dkris byas la/ /dkyil 'khor gyi ni thog tu gzhag /yungs kar zangs gnyis bsreg byas te/ /dud pas ga'u de la bdug /de la bdugs par gyur pa dang / /bzlas
iiif viewer powered by OpenSeadragon
Texts on this page
D838 - 'phags pa 'jam dpal las bzhi 'khor lo gsang ba'i rgyud