rKTs

e-texts navigator

Volume

Page

61a₁ gshegs pa'i snying po 'di bshad do/ /o~M sarba ta thA ga ta e h+ye hi ta thA ga ta pra ba ti/ bo d+hi satwa d+harma d+hA tu/ e h+ye hi dzaHhU~M h+ye hi h+ye hi hU~M hU~M hU~M/ zhes brjod nas brdas mtshon par gyur to/ /de nas bcom ldan 'das steng gi phyogs su sems can thams cad
61a₂ sgrol ba'i ting nge 'dzin la snyoms par zhugs so/ /snyoms par zhugs pas phyogs la phyogs su bltas te/ rang bzhin gyis sgrol ba'i nus pa can du gyur te/ thams cad kyang sgrol bar gyur to/ /de nas yum gyi tshogs thams cad kyis dgyes pa chen po'i
61a₃ brda 'dis bcom ldan 'das la bskul lo/ /e ma'o phyogs bcu dus gsum rdzogs pa yi/ /ye shes 'dus pa'i phrin las mchog /bla med theg pa nges pa la/ /sbyor ba mchog gis bshad du gsol/ /zhes bskul bas/ phyogs bcu'i de bzhin
61a₄ gshegs pa thams cad dgyes par gyur to/ /de nas phyogs bcu'i de bzhin gshegs pa rnams dbang phyug gi 'khor mya ngan las 'das pa thams cad dang bcas nas sku'i rgyan gyis brgyan te/ so so'i btsun mo'i dgyes pas sku'i nyams su bstar bar gyur
61a₅ to/ /de ltar gyur pas de bzhin gshegs pa thams cad ba spu langs te 'di skad ces ched du brjod do/ /sku gsung thugs rnams 'gro ba so sor 'dul/ /ngang gi zhi ba'i dbyings las ma g.yos kyang / /phrin las rnam bzhis 'gro ba so sor 'dul/ /de phyir
61a₆ mchog gi rgyal po 'di bshad do/ /zhes gsungs pas/ 'khor rnams rab tu dga' mgur rangs par gyur te 'di skad ces gsol to/ /sku gsung thugs kyis 'gro ba rang rang 'dul/ /dbyings las 'dren pa rdo rje gsor byas te/ /'di ltar 'dul bar mdzad
61a₇ pa ngo mtshar che/ /zhes brjod do/ /sku la zhugs nas mi snang bar gyur to/ /de nas de bzhin gshegs pa thams cad khro bos 'dul bar mkhyen nas 'di skad ces gsungs so/ /khra dang spyang ki srin mo mu stegs rnams/ /bdud dang log 'dren thams cad

_{iiif viewer powered by OpenSeadragon}

60b - 61b

Texts on this page