| e-texts navigator |
| བོད་ཡིག |
268a1 @##/ /rgya gar skad du/ lo ka sto tra pU dza tan+t+ra nA ma no pi ka san+ta ka~M/ bod skad du/ 'jig rten mchod bstod sgrub pa rtsa ba'i rgyud ces bya ba/ bcom ldan 'das rdo rje 'dzin pa la phyag 'tshal lo/ /'di skad bdag gis thos pa dus gcig na/ bcom
268a2 ldan 'das de bzhin gshegs pa thams cad kyi sku dang gsung dang thugs kyi bdag nyid gsang ba chen po rdo rje 'dzin pa/ dus gsum gyi sangs rgyas ma lus pa thams cad kyi sku dang gsung dang thugs kyi phrin las ma lus pa yang dag par bsgrub par mdzad pa/
268a3 mthu dang / stobs dang / mi 'jigs pa dang / dbang phyug dang / gzugs kyis 'jigs par byed pa/ gtum po dang / drag shul can dang / dregs pa can dang / stobs can dang / bzod par dka' bdag myur du 'dul bar byed pa/ bde bar gshegs
268a4 pa thams cad kyi thugs kyi snying po de kho na nyid las phyung ba/ byang chub sems dpa' sems dpa' chen po gtso bo sa chen po mthar phyin pa la rab tu zhugs pa/ 'dod pa'i khams dang gzugs kyi khams su gtogs pa'i dbang phyug lha'i rigs rnams kyi
268a5 bdag po chen po lcang lo can gyi gnas dang ri rab kyi gnas kyi gnod sbyin rnams kyi ded dpon chen po de/ 'og min gyi gnas lha'i rgyal po'i khang na bzhugs te/ dus gsum du rnam par bzhugs pa'i sangs rgyas rnams kyi sku gsung thugs kyi rnam par
268a6 'phrul pa'i 'od zer sna tshogs bkye nas tshig 'di skad du bskul te/ kye kye gsang bdag rdo rje 'dzin/ /khyod ni sangs rgyas thams cad kyis/ /bstan pa dam pa bsrung ba yi/ /mthu stobs bdag por dbang bskur te/ /dam tshig chen po de gzigs
268a7 la/ /sku gsung thugs kyi gsang ba las/ /'jigs byed 'jigs par byed pa yi/ /sku mchog drag po'i gsung dang bcas/ /gtum po'i thugs kyis shugs phyung la/ /gdul dka' ma lus 'dul ba'i phyir/ /sprul pa snga 'phrul phrin las kyis/ /
iiif viewer powered by OpenSeadragon
Texts on this page
D844 - 'jig rten mchod bstod sgrub pa rtsa ba'i rgyud ces bya ba