| e-texts navigator |
| བོད་ཡིག |
90a1 be'u dgu ni thugs la 'bar/ /'byung chen dgu ni klong du 'khyil/ /khu byug dgu ni rang skad rdzogs/ /b+han d+ha dgu ni dpal dang ldan/ /zla gam dgu ni yum gyi dbyings/ /thig le dgu ni byang chub sems/ /nyi zla dgu ni 'od 'phro 'bar/ /de ltar dgu
90a2 dgur gsal ba yi/ /dgu klong b+ha ga gcig gi dang / /dgu bkag gcig phye thig le'i don/ /thams cad 'byor pa rgyas byas la/ /bam dgu phan cad sman du sbyar/ /rdzas kyi dngos grub blangs te spyad/ /ces bcom ldan 'das sems dpa'i rdo rjes gsungs
90a3 so/ /rgyud kyi rgyal po chen po rdo rje bkod pa kun 'dus rig pa'i mdo las rmad byung rdzas kyi le'u ste bcu bzhi pa'o// //de nas yang sems dpa'i rdo rje des 'di skad ces gsungs so/ /'dus pa chen po'i tshogs chos thams cad ni mngon sum du shes shing
90a4 rig par bya'o/ /mngon sum gang zhe na/ dran pa mngon du bzhag pas yul la mi gnas pa'i chos thams cad dang / phyis 'byung ba'i chos thams cad dang / /sngon du byung ba'i chos thams cad mngon sum mar rig pa'o/ /de ci'i phyir zhe na/ mngon sum mar shes
90a5 pa ni ye shes chen po'i rgyu yin pa'i phyir ro/ /de yang ji lta zhe na/ chos thams cad sgyu ma'i rang bzhin du dran pa mngon du bzhag na mngon du gyur pa'i chos nyid phyin ci ma log par shes pa yin no/ /chos nyid phyin ci ma log par mngon du gyur na mi gnas pa'i ye
90a6 shes chen po nyid de yin no/ /de bas na mngon par shes pa rnams dran pa mngon sum mar yid la byos shig de skad ces gsungs pa dang / mngon shes rig pa'i drang srong chen po rnams kyis 'di skad ces gsol to/ /bcom ldan 'das mngon par shes pa ni
90a7 bdag cag rnams kyi dam tshig lags so/ /bcom ldan 'das kyis bdag cag rnams kyi dam tshig bshad du gsol zhes zhus pa las/ /bcom ldan 'das kyis bka' stsal pa/ rig 'dzin chen po rnams ye shes chen po'i rgyu mngon par shes pa ni rnam pa
iiif viewer powered by OpenSeadragon
Texts on this page
D831 - de bzhin gshegs pa thams cad kyi thugs gsang ba'i ye shes don gyi snying po khro bo rdo rje'i rigs kun 'dus rig pa'i mdo rnal 'byor grub pa'i rgyud ces bya ba theg pa chen po'i mdo