| e-texts navigator |
| བོད་ཡིག |
7b1 lta stangs kyis byas nas ston pa'i zhal du bltas te/ rdo rje rgyal po tshogs bdag dgongs su gsol/ /chos kyi rgyal po mi g.yo rgyal tshul mdzad/ /rgyal mchog rgyal po chos kyi rgyal po'i mthus/ /'dus pa'i tshogs la rgya cher bshad du gsol/ /a la
7b2 la ho zhes gsol ba btab pa las/ bcom ldan 'das gsang ba mchog gi bdag po des rdo rje las kyi bka' ba de byin gyis brlab pa'i phyir rdo rje rnam par spro ba zhes bya ba'i ting nge 'dzin la snyoms par zhugs nas 'di skad ces bka' stsal to/ /badzra karma tsakra satwa
7b3 ra~M/ zhes gsungs te/ rdo rje rgya gram gyi 'khor lo gcig sems dpa' rdo rje'i lag tu babs par gyur nas las kyi rdo rje'i dbang thob par gyur te/ rnam par rol pa chen po shin tu bla bkyal ba'i spobs pa can du gyur to/ /byin gyis brlabs nas kun du mi gzo
7b4 ba rab tu bag dang ldan pa chen por gyur to/ /de nas sems dpa' rdo rje des las kyi mtshan ma de lag tu blangs te/ stabs sna tshogs dang / gar dang / glu sna tshogs rdo rje tshig tu len cing rdo rje rgya gram las kyi 'khor lo de lan rnam pa bcu gnyis su bskor nas
7b5 grangs gnyis dang lnga bsgyur bas/ zhing khams mtha' dag rnam par g.yos te/ g.yos/ rab tu g.yos/ kun du rab tu g.yos/ 'gul/ rab tu 'gul/ kun du rab tu 'gul/ ldeg /rab tu ldeg /kun du rab tu ldeg /'khrugs/ rab tu
7b6 'khrugs/ kun du rab tu 'khrugs/ 'ur rab tu 'ur/ kun du rab tu 'ur/ chem rab tu chem/ kun du rab tu chem par gyur te/ zhing khams thams cad ni gsang ba'i dkyil 'khor sha stag tu gyur/ bcud yul thams cad ni phyag rgya chen por
7b7 gyur/ rnam par rngam pa'i tshul gyis ston pa'i mdun logs su seng+ge rdo rjes mtshan pa'i gdan la 'gying bag gi tshul gyis rnam par gnas so/ /de nas 'dus pa'i 'khor tshogs phal mo che rnams kyis bcom ldan 'das la 'di skad ces gsol to/ /
iiif viewer powered by OpenSeadragon
Texts on this page
D831 - de bzhin gshegs pa thams cad kyi thugs gsang ba'i ye shes don gyi snying po khro bo rdo rje'i rigs kun 'dus rig pa'i mdo rnal 'byor grub pa'i rgyud ces bya ba theg pa chen po'i mdo