| e-texts navigator |
| བོད་ཡིག |
7a1 phyug dang / stobs ldan dang / spre'u dang / ra dang / lu 'de dang / sbrang ma dang / bya rog dang / me khyer dang / 'khor ba dang / chu dang / sa dang / nam mkha' dang / me dang / sgra dang / bsam ngan la sogs pa brlag ste/ mi
7a2 gnas par gyur cing rmad du byung ba nyid du mdzad do/ /de nas 'od zer de dag mkha' la 'khyil ba dang / 'khor mang po dag shin tu skrag ste gsol ba btab pa/ e ma'o/ e ma bdag cag bcom ldan 'das kyis byin gyis brlab tu gsol zhes gsol ba
7a3 btab pa las/ bcom ldan 'das gsang ba mchog gi bdag po des zhal gyi mdangs phyung ste/ 'od zer de dag ye shes kyi 'od zhi zhing 'khyil ba dang / mdzes shing bde ba dang ldan pas thams cad rangs par byas pas snod du rung bar rnam par sbyangs nas 'od de
7a4 dag 'od kyi gnas su thim par gyur to/ /de nas bcom ldan 'das gsang ba mchog gi bdag po des mi gnas pa'i ye shes chen po'i klong nas nges par bzhengs nas seng+ge rnam par rgyal ba'i sgra lta bus don gyi bkod pa/ gsang ba'i nges pa/ rgyud kyi 'grel
7a5 pa/ rtags kyi rol pa/ rdo rje rnam par bsgyings pa'i gzhung chen po sgra 'dis bshad do/ /a o oM/ sa ma ya/ a d+hi/ gu h+ya/ pu ti a ho ku la ma tong bying ta pa dra a mo g+ha I shwar sa ma ya na/ gu ti a la la ho zhes cang mi gsung ngo / /kun du mi
7a6 gsung / rab tu mi gsung / gsungs pa mi 'gog 'gog pa ma yin/ ma gsungs pa nyid na rgya cher bshad pa'i ngo bor bzhugs so/ /rnam par bzhugs nas dam tshig chen po rdo rje sems dpa' la zhal gzigs te/ 'dzum pas bskul ba rnam par mdzad do/ /de nas
7a7 dam tshig chen po rdo rje sems dpa' des bskul bar rnam par rig nas rang gi stan las langs nas/ rang gi mtshan ma gnas lngar reg par byas nas lce pad+ma'i steng du bzhag nas/ lus sa la brdabs pa'i phyag rnal 'byor gyi lugs su byas nas/ seng+ge'i
iiif viewer powered by OpenSeadragon
Texts on this page
D831 - de bzhin gshegs pa thams cad kyi thugs gsang ba'i ye shes don gyi snying po khro bo rdo rje'i rigs kun 'dus rig pa'i mdo rnal 'byor grub pa'i rgyud ces bya ba theg pa chen po'i mdo