rKTs

e-texts navigator

Volume

Page

66b₁ thams cad sa la yongs su rdzogs par mthong ngo / /gzhal yas chen po 'bar ba la yum kun du bzang mo rdzogs par mthong ngo / /me dpung chen po dgu la ye shes kyi sgo dgu brtsegs su yongs su 'bar bar rdzogs par mthong ngo / /zhabs brgyad la gsang ba'i yum bzhi
66b₂ dang / sgom bzhi rdzogs par mthong ngo / /dur khrod kyi rgyan chen po brgyad ni ma mo chen mo brgyad yongs su rdzogs par gsal lo/ /phyag mtshan bzhi bcu rtsa gnyis ni phra men ma bcu da byug pa 'phyar ba'i lag na khyung bcu 'bar ba'i kha nas mtshon cha sna tshogs 'phro ba/ mkha'
66b₃ 'gro brgyad dbyug par 'phyar ba'i lag na seng ge kha glal ba brgyad kyi kha nas ral gri 'bar ba brgyad 'phro ba/ shugs 'gro brgyad dbyug par 'phyar ba'i lag na stag mche ba gtsigs pa brgyad kyi kha nas rdo rje sna tshogs 'phro ba/ ma mo brgyad dbyug par 'phyar ba'i lag
66b₄ na mi mgo brgyad rdo rje lu gu rgyud kyis btags nas klad la bskor ba/ 'bar ma brgyad dbyug par 'phyar ba'i lag na me dpung 'bar ba brgyad las thu lum 'phro ba ste/ bzhi bcu rtsa gnyis su gsal lo/ /phyag bzhi bcu rtsa gnyis ni khrag 'thung 'bar ba bzhi/
66b₅ ging pho dgu mo dgu/ za byed pha bcu gsod byed ma bcu ste bzhi bcu rtsa gnyis su gsal lo/ /zhal nyi shu rtsa gcig ni srid pa za byed gsang ba'i dur khrod nyi shu rtsa gcig tu gsal lo/ /spyan 'bar ba drug cu rtsa bzhi ni he ru ka yab yum drug cu rtsa bzhir gsal lo/ /
66b₆ dbu nyi shu rtsa gcig ni dus gsum gyi sangs rgyas nyi shu rtsa gcig tu gsal lo/ /g.yas kyi dbu bdun gyi spyi gtsug nas sangs rgyas kyi sku re re byung ba'i dbu la 'khor lo 'od zer dang bcas pa re re 'bar ba/ dbus kyi dbu bdun las dbu rgyan sangs rgyas kyi dbu re re byung ba'i sku
66b₇ la rin po che'i mchod rten 'bar ba bdun du gsal ba/ g.yon gyi dbu bdun las dbu rgyan sangs rgyas kyi sku re re byung ba'i dbu la nor bu rin po che bdun du gsal ba/ 'khor lo dang mchod rten dang / rin po che de dag gi lte ba dang / bum pa dang / rtse mo las rgyal

_{iiif viewer powered by OpenSeadragon}

66a - 67a

Texts on this page