| e-texts navigator |
| བོད་ཡིག |
62b1 po bcom ldan 'das kyi bka' la btags pa'i tshe/ bka' la ma dad ma gus pas bka' la skur cing spyas long btags pa dang / ston pa dang grogs la smad cing spyas long btags pa la sogs pa ltung ba'i rgyu mang po bgyis pas/ nga ni bdag kyang chad pa'i skyes
62b2 gnas su mchi bar nges na/ /bcom ldan 'das kyi thugs rje chen pos bzung ste bka'i 'khor du bkod pas nga ni thar pa thob lags grang / 'on kyang 'gyod pa drag po'i dbang gis yid kyi sgrib pa ni byang chub sems kyis bshags/ ngag gi sgrib pa ni tshig tu 'don
62b3 cing smres te bshags/ lus kyi sgrib pa ni lus gdan khri la phul te bshags na/ bcom ldan 'das kyi thugs rjes gzung 'tshal na gnyen po ni gang lags/ thabs ni ji ltar bshags/ yul ni gang la bshags/ rgyu ni gang mchis bcom ldan 'das
62b4 kyis bshad du gsol/ bde bar gshegs pa thugs rjes bskyab tu gsol/ bcom ldan 'das kyis bka' stsal pa/ /rig 'dzin chen po mi thod can rnams nyon cig /ltung bar gyur pa'i gnas rnams la 'gyod par gyur nas zhus pa legs so/ /ltung
62b5 ba'i gnyen po ni gang zhe na/ nyes byas rnams bshags par 'dod na gang 'gyod pa drag po skyes nas ba spu ni gzings mchi ma 'byin pa yin no/ /thabs ni rnam pa bzhi yod de/ /gang zhe na/ shes rab chen po'i rgyud kyis bag chags thams cad rang bzhin
62b6 med par shes pa dang / /ting nge 'dzin chen po'i mes bag chags thams cad bsregs te med par bya ba dang / byang chub sems kyi 'od zer gyis bag chags kyi mun nag thams cad bsal te de dag dag par bya ba dang / spyod pa rlabs po che'i chus bkru ba'o/ /
62b7 de la bshags par bya ba'i yul ni 'di lta ste/ /sangs rgyas dang / rig 'dzin dang / lha dang / bla ma dang / glegs bam dang / grogs po dang / rten du gyur pa rnams so/ /bshags par bya ba'i rgyu ni 'di lta ste/ sgrib pa che chung bshags pa'o/ /nyon
iiif viewer powered by OpenSeadragon
Texts on this page
D831 - de bzhin gshegs pa thams cad kyi thugs gsang ba'i ye shes don gyi snying po khro bo rdo rje'i rigs kun 'dus rig pa'i mdo rnal 'byor grub pa'i rgyud ces bya ba theg pa chen po'i mdo