rKTs

e-texts navigator

Volume

Page

50a₁ spyad par shin tu gces/ /tshogs 'di blo chung gsar zhugs pa'i/ /mdun du brjod par bya mi rigs/ /rdzas dang yo byad thams cad kyang / /cis 'dul de ltar stobs kyis sbyar/ /des na las 'di khyad par yang / /tshogs la tshogs bskyed
50a₂ sgris sbyangs te/ /bsnyen pa dag la goms byas nas/ /bsgrubs pas 'bras bu mthar phyin pa'o/ /zhes bka' stsal to/ /rgyud kyi rgyal po chen po rdo rje bkod pa kun 'dus rig pa'i mdo las rnal 'byor bde ba'i tshogs kyi le'u ste drug pa'o// //de nas
50a₃ yang smra ba'i seng ge sems dpa'i rdo rje de 'das pa brjod pa zhes bya ba'i ting nge 'dzin la snyoms par zhugs so/ /de nas ting nge 'dzin de las bzhengs par gyur pa dang / 'dus pa chen po'i tshogs rnams kyis 'di skad ces gsol to/ /bcom ldan 'das sngags zab mo
50a₄ spyod pa'i skyon dang yon tan ci lags pa bdag cag gi rig pa la snang bar gyur to/ /de nas yang bcom ldan 'das kyis bka' stsal pa/ 'dus pa chen po'i tshogs gsang sngags chen po'i don ni rab tu spyad par dka' bar shes par gyis shig /de ci'i phyir zhe
50a₅ na/ gsang sngags kyi tshogs ni shin tu me dang 'dra ste/ me ni rgyun du bcangs shing spyad legs na ji ltar 'dod pa bzhin du rgyun du spyad du yod do/ /me nyid ji lta ba bzhin du spyad na me'i phung po chen por 'gyur te/ spyod par byed pa nyid kyang bsregs/ /khyim nas khyim yang
50a₆ bsregs/ rdzas kyi dngos po thams cad kyang bsregs par 'gyur ro/ /de bzhin du gsang sngags 'di ni chu dang 'dra ste/ chu thabs kyis zin cing spyad legs na ji ltar 'dod pa bzhin du dga' ba der spyad du yod de/ chu la dga' ba der thar chu chen po la 'bogs
50a₇ par nus so/ /chu'i rang bzhin dang thabs la ma goms pas ni spyod par byed pa de g.yeng zhing 'chi bar byed do/ /gzhan yang gsang sngags chen po 'di ni gcan gzan gdug pa can dang 'dra ste/ gcan gzan gyis sems can gzhan gyi srog gcod

_{iiif viewer powered by OpenSeadragon}

49b - 50b

Texts on this page