rKTs

e-texts navigator

Volume

Page

277a₁ ma spangs par rig 'dzin sa/ /ye shes bsod nams longs spyod kyis/ /yi ge 'khor lo tshogs mchog brnyes/ /thugs rje sprul pa'i byin brlabs kyis/ /so sor thar pa'i lam yang ston/ /'gro ba ma lus don yang byed/ /las
277a₂ rnams thams cad kun byas nas/ /skye 'chi med pa'i g.yung drung thob/ /mtshan dang dpe byad kun gyis brgyan/ /bsod nams ye shes tshogs chen ldan/ /mthar phyin bya ba med pa 'grub/ /bsgrub med spangs med chos kyi dbyings/ /'gro med 'ong med de bzhin
277a₃ nyid/ /de ltar bsgrubs te bsgoms byas na/ /'bras bu mngon du ma gyur kyang / /tshe rabs skye ba thams cad du/ /las ngan kun du skye mi 'gyur/ /theg pa dman par yong mi 'gyur/ /rdo rje rigs mchog 'dzin par 'gyur/ /zhes rdo rje gsang ba'i tshig tu'o/ /rgyud
277a₄ kyi rgyal po chen po sgyu 'phrul dra ba las shin tu gsang bar bya brgyud dngos grub thob par bya ba'i le'u ste bdun cu gsum pa'o/ / //de nas de bzhin gshegs pa rgyud kyi rgyal po sgyu 'phrul dra ba las hom rnams kyi phrin las 'di gsungs so/ /dang por
277a₅ de bzhin nyid du gsal zhing 'dris par bsgom/ /de nas bdag gi snying gar a gsal zhing 'tsher ba gcig bsgom mo/ /a de shin tu gsal bar gyur pa dang / phyogs bcur 'od du 'phros par bsgom/ 'od de slar a la bsdu zhing bstim/ ma dang a las nyi
277a₆ ma dang zla ba'i dkyil 'khor bstim zhing 'tsher la gsal bar bsgom/ hrI las pad+ma'i dkyil 'khor gsal bar bsgom/ hU~M shin tu 'od 'bar bar bsgom/ snying gi dkyil 'khor du rdo rje sems dpa' mtshon gang ba gcig phyag rgya dang bcas par bsgom/ bzhi bcu rtsa
277a₇ gnyis kyi sngags dang / yig 'bru dang / phyag rgya yang gsal bar bzlas/ 'bru gsum dang 'bru lnga yang bzlas/ 'dug 'bru bzhis mtshams gcad/ rtag tu hom bya/ tshogs dang mchod pa yang bya/ mang po mi nus pa'i don du hom gang bgyi yang rung /

_{iiif viewer powered by OpenSeadragon}

276b - 277b

Texts on this page