| e-texts navigator |
| བོད་ཡིག |
247b1 las drag tu phaT ces pas/ /brgya la 'gyur o~M las dmar rtsi dbab/ /de las hU~M zhes bya ba yid/ /dang po'i gnas su bsdus pa na/ /mchongs par 'dod na langs par 'gyur/ /sgyu 'phrul chen po de nyid las/ /sangs rgyas rdo rje phyag bsnams pa/ /khro bo chen po bdud rtsi
247b2 'khyil/ /bdag nyid rang bzhin der bsgyur nas/ /spyan bgrad mche gtsigs sdang mig par/ /brkyang bskum rngam pas zhing stengs bsgom/ /shig shig drag tu gyur pa las/ /mgyogs par phyogs su song ba na/ /de yi snying po mchog bzlas nas/ /hU~M zhes pas ni
247b3 bskul ba yis/ /dang po'i gnas su phyin par byed/ /des ni dbang du gyur par bsgom/ /de las sna tshogs ci 'dod par/ /thams cad thams cad grub par 'gyur/ /de bsnyen nyams su lon pa yin/ /o~M la drag tu phaT ces pas/ /gang la bya ba mngon bsam nas/ /se
247b4 gol snol mar gtogs pa yis/ /brgyal 'gyur o~M las dmar rtsi dbab/ /yid la bsgoms pas langs par 'gyur/ /gsang ba'i snying po de kho na nyid nges pa las sgyu 'phrul chen po rab tu rgyal bar byed pa dam tshig mchod bkod pa'i le'u ste bzhi bcu drug pa'o// //
247b5 de nas bcom ldan 'das dgyes pa chen po'i spyan sngar dregs pa chen po dang / dbang phyug chen po dang / rgyal po chen po bzhi dang / phyogs skyong par gyur pa sde dpon dang chung mar bcas/ bran dang g.yog dang yang g.yog gi rab tu 'jigs pa dang bcas pa'i sems kyis gus
247b6 par dam bcas shing / /rang rang gi dkyil 'khor dang / snying po zhes bya ba 'di mgrin gcig tu yang smras so/ /dregs pa 'khor bcas dkyil 'khor dang / /lus dang ngag yid dbul ba ni/ /'khor g.yog bye ba drug cu rnams/ /keng rus gsar rnying gnas su gyur/ /rlon
247b7 pa sha khrag tshogs la spyod/ /thod par 'thung za med pa'i nang / /mdung thung ral gri dgra sta dang / /zhags pa dbyig pa zor ba dang / /rnga dang lda ldi khrag 'thor zhing / /gdug pa'i tshogs rnams kun gyis bskor/ /dgyes pa'i dkyil 'khor 'di rnams la/ /ming tsam 'dzin
iiif viewer powered by OpenSeadragon
Texts on this page
D834 - gsang ba'i snying po de kho na nyid nges pa