| e-texts navigator |
| བོད་ཡིག |
246b1 mchod pa byed pa dang / /sgrub pa thams cad myur bar 'gyur/ /gsang ba'i snying po de kho na nyid nges pa las thub pa chen po bcom ldan 'das kyis klu'i tshogs kyi gdug pa'i las 'dul ba'i le'u ste bzhi bcu lnga pa'o// //de nas bcom ldan 'das dpal kun du bzang pos
246b2 'byung po'i tshogs zil gyis gnon pa zhes bya ba 'di'i ched du brjod pa 'di brjod do/ /sgyu 'phrul dra ba'i dkyil 'khor las/ /tshom bu gnyis kyi lha rnams bsgom/ /nga nyid 'dug pa'i gnas bshams te/ /lo dang zla ba gsum dang lngar/ /rdo rje dung chen gang ba dang / /rdo rje
246b3 phyag bsnams dril bu la/ /sngags bzlas ting 'dzin goms par bsnyen/ /rdzas la tshon gyis mdog bsgyur bzhin/ /rtags dang mngon du gyur par ro/ /sangs rgyas rdo rje phyag bsnams nas/ /khro bo chen po rnam par rgyal/ /rang gi rang bzhin der bsgyur nas/ /spyan bgrad
246b4 mche gtsigs sdang mig 'bar/ /brkyang bskum rngam pas zhing stengs bsgom/ /shig shig drag tu gyur pa na/ /de yi snying po bzlas nas ni/ /de bsnyen nyams su lon pa yin/ /de ltar 'grub pa'i rtags rnams ni/ /gang la dmigs pa'i mdun dag tu/ /bzhin bzlog mig
246b5 gis bltas nas ni/ /lce la drag tu phaT ces brjod/ /brgyal 'gyur a~M nas dmar rtsi dbab/ /de las hU~M zhes bya ba yid/ /dang po'i gnas su 'dus pa na/ /mchongs par 'dod na langs par 'gyur/ /sgyu 'phrul dra ba'i dkyil 'khor las/ /tshom bu gnyis kyi lha rnams
246b6 bsgom/ /nga nyid 'dug pa'i gnas bshams te/ /lo dang zla ba gsum lnga bdun/ /de yi dung chen gang ba dang / /rdo rje phyag bsnams dril bu la/ /sngags bzlas ting 'dzin goms par bsnyen/ /rdzas la tshon gyis mdog bsgyur bzhin/ /rtags dang mngon du gyur par ro/ /
246b7 sangs rgyas rdo rje phyag bsnams nas/ /khro bo chen po gshin rje rgyal/ /gshin rje khros pa'i rgyal mor sbyor/ /rang gi rang bzhin der bsgyur nas/ /spyan bgrad mche gtsigs sdang mig par/ /brkyang bskum rngam pas zhing stengs bsgom/ /shig shig drag tu gyur pa na/ /de
iiif viewer powered by OpenSeadragon
Texts on this page
D834 - gsang ba'i snying po de kho na nyid nges pa