| e-texts navigator |
| བོད་ཡིག |
230b1 bkang ba gsol/ /khro mo rnams kyang khro dang mthun/ /gnas dang yul gyi phyag rgya ni/ /rgyud gzhan dag dang mthun par bshad/ /ma mo rnams kyi phyag rgya ni/ /'jig rten 'das mdo che las bshad/ /gsang ba'i snying po de kho na nyid nges pa sgyu 'phrul dra ba las phyag
230b2 rgya spros pa'i le'u ste sum cu pa'o/ / //de nas bcom ldan 'das dgyes pa chen pos de dag gi dkyil 'khor bstan pa'i phyir ched du brjod pa 'di brjod do/ /'bar ba'i dkyil 'khor rtsibs bzhi pa/ /gru chad bzhi yis rnam par brgyan/ /gru bzhi
230b3 sgo khyud bzhi dang ldan/ /'bar ba'i bar khyams gnyis kyis mdzes/ /thod sprul sna tshogs nyi mas brjid/ /'bar ba'i 'phro ba mang po 'khrug /khyu mchog ma he gzig dang stag /gtum pa'i dom gyis sbar bas ni/ /dbang phyug lha chen la sogs bzung / /smug
230b4 gnag sngo gnag ser gnag dang / /dmar gnag ljang gnag 'jigs pa'i sku/ /dbu gsum phyag drug zhabs bzhi bgrad/ /ko rlon gos ni sna tshogs gyon/ /rngam pa'i sgra chen 'jigs par sgrogs/ /sbrul dang thod phreng nyi zlar bcas/ /steng gi 'jig rten khor yug
230b5 bcas/ /rdo rje dung chen gang ba dang / /ral gri dgra sta gshol la sogs/ /rang gi lag cha sna tshogs bsnams/ /btsun mo 'dzin pa'i tshogs dang 'khril/ /gnas dang yul gyi phyag rgya dang / /sgo bzhi phyag rgyar rab mdzes shing / /slas dang byi mo tshogs kyi
230b6 gtso/ /bcu gnyis dang ni brgyad kyis mdzes/ /rang gi stan dang lag cha dang / /ci bgyi zhes te chas te gnas/ /zhes brjod pas 'jig rten drug gi phyogs bcu thams cad du 'bar ba'i dkyil 'khor kun du gsal bar gyur to/ /de nas dgyes pa chen po bcom
230b7 ldan 'das nyid kyi sku dang gsung dang thugs rdo rje sgyu 'phrul dra ba las rdo rje gsang ba'i tshig 'di phyung ngo / /a ho/ /bskal par bcas shing dug tshogs 'bar ba yi/ /nyon mongs kun g.yo dkyil 'khor 'khor lo brjod dka' ba'i/ /ji snyed 'jig rten rgyan
iiif viewer powered by OpenSeadragon
Texts on this page
D834 - gsang ba'i snying po de kho na nyid nges pa