rKTs

e-texts navigator

Volume

Page

22a₁ bas gcad par bslab pa dang / nyams su ting nge 'dzin gyis blang bar bslab pa dang / don man ngag gis bsgrub par bslab pa dang / mdo gcig tu bsdu bar bslab pa'o/ /'dus pa chen po'i tshogs gzhan yang 'di lta ste/ yon tan gyi che ba sbom
22a₂ par 'dod pas kyang lam 'di la bslab par bya ste/ gang zhe na/ che ba nyi shu dang / rol pa nyi shu dang / cho 'phrul nyi shu dang / rngom pa nyi shu dang / brjid pa chen po nyi shu dang / tog chen po'i nor bu'o/ /gzhan yang 'dus pa chen po'i tshogs 'di lta ste/ rmad du byung
22a₃ ba'i mthu chen po nyi shu thob par 'dod pas kyang lam 'di la bslab par bya ste/ de yang gang zhe na/ 'jig rten chen po drug 'phang bar 'dod pa dang / chu'i phung po chen po rngubs te bskam par 'dod pa dang / rlung gi bskal pa bcing bar 'dod pa dang / nyi ma'i dkyil 'khor
22a₄ 'bum dgye bar 'dod pa dang / bsreg pa'i bskal pa chen po gsum gzhil bar 'dod pa dang / nam mkha' thams cad ba spu gcig gis dgang bar 'dod pa dang / ba spu gcig las sangs rgyas bye ba dgye bar 'dod pa dang / sangs rgyas bye ba pa spu gcig gi nang du shong
22a₅ bar 'dod pa dang / 'khor ba thams cad ba spu gcig tu rngub par 'dod pa dang / ba spu gcig gis 'khor ba thams cad la khyab par 'dod pa dang / bskal pa'i 'khor lo chen po ring du bsrub par 'dod pa dang / thung du bsrub par 'dod pa dang / dus kyi 'khor lo chen
22a₆ po mnyam par bskor bar 'dod pa dang / 'khrug par bskor bar 'dod pa dang / las kyi 'khor lo chen po rgyun du bskor bar 'dod pa dang / rgyun gcad par 'dod pa dang / srid pa'i 'khor lo bzlog par 'dod pa dang / lugs su bskor bar 'dod pa dang / sdug bsngal
22a₇ gyi 'khor lo chen po rgyun gcad par 'dod pa dang / dmyal ba'i 'khor lo chen po dong sprugs par 'dod pas kyang lam 'di la bslab par bya'o/ /'dus pa chen po'i tshogs gzhan yang 'di lta ste/ rnal 'byor rtog pa'i ri bo brgyad cu rtsa gcig gzhil bar 'dod pas

_{iiif viewer powered by OpenSeadragon}

21b - 22b

Texts on this page