| e-texts navigator |
| བོད་ཡིག |
205b1 rje gsang ba'i rgyal/ /yul ni pad+ma bde mchog dbyings/ /sems ni byang chub 'byung ba'i gter/ /dbang po yul sems ldan gyur nas/ /gsang ba mchog gi 'phrul chen spro/ /dkyil 'khor rdul snyed grangs med dang / /phun sum tshogs pa'i lhun grub rnams/ /
205b2 gsang ba mchog gis 'byin par byed/ /'di ni rtse gcig yin par gsungs/ /gsang ba'i don mchog 'di dag ni/ /lta ba dman la bshad byas na/ /dus min par ni srog zad nas/ /mgo 'gas snying yang tshig par 'gyur/ /khab len gyis ni lcags sdud
205b3 ltar/ /mi 'dod bzhin du dbang med par/ /ngan song mi khom bskal par brgyud par 'gyur/ /de bas 'di ni shin tu gsang bar bya/ /shes rab rgya chen blo zab yangs pa yis/ /blo brtan snying rje che dang dad ldan ngang tshul bzang la brtan/ /gzhan du nams kyang
205b4 sbyin mi bya zhes nyid la yang nyid brjod do/ /gsang ba'i snying po de kho na nyid nges pa las khams nyi shu rtsa gcig tu bsdus nas/ /thams cad ma lus par dbyings su bkod pa'i le'u ste bdun pa'o// //de nas yi ge'i dkyil 'khor gyi sprin bkod pa
205b5 las sgyu 'phrul rnam par spros pa 'di ched du brjod do/ /rtsa ba med pa'i sems nyid ni/ /chos rnams kun gyi rtsa ba yin/ /sems nyid yi ge'i rang bzhin te/ /yi ge yid bzhin rin chen sprin/ /sgyu 'phrul dkyil 'khor bzhi bcu gnyis/ /dra ba'i dkyil 'khor
205b6 mngon rdzogs pas/ /phyogs bcu dus bzhi rdzogs pa yi/ /dkyil 'khor thams cad grub par 'gyur/ /bdud rtsir 'gyur zhing 'byung ba dang / /bzhi brgya rtsa bzhi nad sel cing / /longs spyod 'byung zhing ngan song sbyong / /ci yang gzhan du 'gyur bar 'grub/ /
205b7 nam mkha' rdo rje sra 'byung zhing / /'bar nas me yang 'tshig pa dang / /chur 'gyur 'bab pa'ang de bzhin te/ /'jig rten khams ni gtor ba dang / /thams cad stongs shing lhung bar 'gyur/ /dgug dang btang dang bcing dang dgrol/ /gso dang bsad dang
iiif viewer powered by OpenSeadragon
Texts on this page
D834 - gsang ba'i snying po de kho na nyid nges pa