| e-texts navigator |
| བོད་ཡིག |
203b1 phyogs kun gang par gsal gyur nas/ /bsdus kyang 'phel 'grib med par brtan/ /de las ming tshogs gsal 'bar kun/ /spro zhing bsdu ba'ang de bzhin no/ /'di ni rdo rje dngos grub kyi/ /brten 'byung ye shes rgyu yin no/ /a/ ka kha ga g+ha nga / tsa tsha dza dz+ha
203b2 nya/ Ta Tha Da D+ha Na/ ta tha da d+ha na/ pa pha ba b+ha ma/ ya wa ra la/ sha Sha sa ha/ k+Sha/ i I/ u A/ e ai/ o au/ /'di dag phyung bas 'jig rten drug gi phyogs bcu mtha' yas pa rnam pa drug tu g.yos/ /rab tu g.yos kun du g.yos nas chos thams
203b3 cad ming gi mtshan nyid du gyur to/ /de nas de bzhin gshegs pa thams cad kyis ched du brjod pa 'di brjod do/ /a ni stong dang mi stong gi/ /dbu ma dmigs su yod ma yin/ /thams cad ming tsam sangs rgyas kun/ /yi ge phreng ba nyid la gnas/ /a nyid sna
203b4 tshogs par snang ba'i/ /ka la sogs pa bzhi bcu gnyis/ /sgra yi ming gis thams cad bsdus/ /mngon rdzogs rgyal por de nyid nges/ /e ma'o ngo mtshar ya mtshan gyi/ /'phrul chen bzhi bcu rtsa lnga'i ming / /tshig rnams ma lus 'dzin pa'i gnas/ /sna
203b5 tshogs don kun smra zhing ston/ /dngos med yi ge rang bzhin sems/ /bdag med mtha' bral mi dmigs kyang / /dbyibs dang kha dog ming tshogs kyis/ /rol pa cir yang sprul cing ston/ /phyogs bcu dus bzhi gshegs pa yi/ /ye shes sems dpa'i
203b6 sku gsung thugs/ /dkyil 'khor bzhi bcu rtsa lnga nyid/ /yi ge mgo nas k+Sha la rdzogs/ /sems ni rang bzhin yi ge ste/ /yi ge dngos po yod ma yin/ /dmigs med de nyid sna tshogs pa'i/ /sku gsung thugs kyi 'khor lo che/ /sku gsung thugs ni ngo mtshar
203b7 gyi/ /ya mtshan 'phrul chen rab 'gugs pa/ /dbyings la dbyings kyis bris pa ste/ /yi ge zhes ni de phyir brjod/ /mgo ni ma nor lam yin te/ /tshig ni shes rab ming du smras/ /shad ni thabs chen tshigs su gcod/ /a ni skye med de bzhin nyid/ /Tha ni sgyu 'phrul
iiif viewer powered by OpenSeadragon
Texts on this page
D834 - gsang ba'i snying po de kho na nyid nges pa