| e-texts navigator |
| བོད་ཡིག |
200b1 zhes brjod pas thams cad ye nas sangs rgyas par de bzhin gshegs pa nyid kyis mkhyen to/ /gsang ba'i snying po de kho na nyid nges pa las gleng bslang ba'i le'u ste gnyis pa'o// //de nas gnyis su med pa'i bdag nyid chen pos ye shes sangs rgyas pa'i
200b2 sems ye shes su bskyed pa 'di gsungs so/ /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /skye ba med las thams cad skyes/ /skyes pa nyid na skye ba med/ /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /'gag
200b3 pa med las thams cad 'gag / 'gag pa nyid na 'gag pa med/ /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /gnas pa med las thams cad gnas/ /gnas pa nyid na gnas pa med/ /e ma'o ngo mtshar rmad kyi chos/ /rdzogs pa'i
200b4 sangs rgyas kun gyi gsang / /dmigs pa med las thams cad dmigs/ /dmigs pa nyid na dmigs pa med/ /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /'gro 'ong med las 'gro dang 'ong / /'gro 'ong nyid na 'gro 'ong med/ /ces
200b5 brjod pas de bzhin gshegs pa thams cad dang btsun mo'i tshogs thams cad mnyes pas khyab par gyur to/ /de nas de bzhin gshegs pa thams cad btsun mo'i tshogs dang bcas pas ched du brjod pa 'di brjod do/ /e ma'o ye nas gsang ba'i chos/ /sna tshogs
200b6 snang la rang bzhin gsang / /ngo bo nyid kyis rab tu gsang / /gzhan du min yang shin tu gsang / /zhes brjod pas de bzhin gshegs pa thams cad ye nas sangs rgyas pa'i ngo bo nyid du gcig pa'i mtshan nyid yin pas dbyer med na/ 'gro ba'i rnam par rtog pa ma rig
200b7 pa la 'gro ba lnga'i rigs bsam gyis mi khyab par smin pa la thugs rje chen po'i sangs rgyas kyi ye shes chen po skyes nas ched du brjod pa 'di brjod do/ /e ma'o bde gshegs snying po las/ /rang gi rnam rtog las kyis sprul/ /sna tshogs lus dang longs spyod dang / /
iiif viewer powered by OpenSeadragon
Texts on this page
D834 - gsang ba'i snying po de kho na nyid nges pa