| e-texts navigator |
| བོད་ཡིག |
198b1 @##/ /bod skad du/ gsang ba'i snying po de kho na nyid nges pa/ bcom ldan 'das dpal kun du bzang po la phyag 'tshal lo/ /'di skad bshad pa'i dus gcig na/ de bzhin gshegs pa dgra bcom pa yang dag par rdzogs pa'i sangs rgyas
198b2 bcom ldan 'das longs spyod chen po phyogs bcu dus bzhi'i de bzhin gshegs pa thams cad kyi sku gsung thugs rdo rje'i bdag nyid ma lus mi lus lus pa med pa thams cad dang so so ma yin tha mi dad dbyer med pa'i rang bzhin te/ /'og min gyi gnas mtha' dang
198b3 dbus med pa na gzhi tshad med pa'i ye shes kyi 'khor lo khyab par gsal ba la ye shes rin po che sna tshogs 'bar ba'i gzhal yas khang / rgya phyogs bcur yongs su ma chad pa/ yon tan dpag tu med par rgyas pa'i phyir gru bzhir gyur pa/ lhag pa'i ye
198b4 shes rin po che'i glo 'bur gyis mdzes pa/ rtse mo phyogs bcu dus bzhi'i sangs rgyas kyi dkyil 'khor ma lus pa thams cad so so ma yin ngo bo nyid gcig pa'i ye shes kun du 'khyil pa/ ye shes bsam gyis mi khyab pa'i rin po che dbyibs dang kha dog
198b5 la sogs te/ /rnam pa tha dad pa'i bye brag dang khyad par du gyur pa'i tshad dpag tu med pa/ ye shes rin po che sna tshogs kyi phreng ba dang / chun 'phyang dang / shar bu'i rgyan dang / gzugs sna tshogs dang / sgra sna tshogs dang / dri sna tshogs dang / ro sna tshogs
198b6 dang / reg bya sna tshogs kyis phyogs bcur 'khrigs par rang byung la/ mi sgrib par gsal ba'i rgyan bsam gyis mi khyab pas bklubs pa/ rnam par thar pa bzhi'i sgo nas 'jug pa'i sgo khyud can/ rnam par thar ba brgyad kyi rta babs dang ldan pa'i phyi dang nang
198b7 med par kun du yang nang du gyur pa na mi 'jigs pa seng ge'i khri dang / stobs kyi glang po'i khri dang / rdzu 'phrul gyi rta'i khri dang / dbang gi rma bya'i khri dang / thogs pa med pa nam mkha' lding gi khri dang / rang bzhin gyis 'od gsal ba nyi zla'i dkyil 'khor dang / /
iiif viewer powered by OpenSeadragon
Texts on this page
D834 - gsang ba'i snying po de kho na nyid nges pa