| e-texts navigator |
| བོད་ཡིག |
130b1 gshegs nyid kyi yul la bzhugs/ /'jigs med kun du bzang por sbyor/ /ji bzhin nyid dang 'dul ba'i thabs/ /ji snyed sdom pa bsam yas pa/ /ma lus rnam dag lhun gyis grub/ /nyams na bskangs pas rdzogs pa dang / /de la sogs te mtha' yas mchog /ces brjod pas
130b2 de bzhin gshegs pa nyid de bzhin gshegs pa nyid la 'dul bar gyur to/ /gsang ba'i snying po de kho na nyid nges pa las dam tshig gi le'u ste bcu dgu pa'o// //de nas bcom ldan 'das de bzhin gshegs pa dgyes pa chen pos lhun gyis grub pa'i dam tshig byin gyis
130b3 rlob pa zhes bya ba'i ting nge 'dzin la snyoms par zhugs nas/ ched du brjod pa 'di brjod do/ /e yi tshogs kyi dkyil 'khor mchog /'bar ba gtum chen rngam pa la/ /khros pa'i yid kyis mchod sbyin bya/ /sangs rgyas bsod nams sku yang 'jig /bdud rtsi lnga 'am
130b4 zas lnga la/ /mtshan ma ming du bcas par bya/ /bkug nas rdo rje phur pas gdag /rdul du byas nas tshogs la dbul/ /e yi tshogs kyi dkyil 'khor du/ /lu gu rgyud du sbrel bsdams nas/ /bcings 'gyur bskyod na phyogs bcur g.yo/ /myos nas gal te 'tshig par
130b5 'gyur/ /ba~M gyi tshogs kyi dkyil 'khor mchog /'bar ba'i gzi chen lhun chen la/ /chags pa'i yid kyis mchod sbyin bya/ /rdo rje gsung yang dbang du 'gyur/ /bdud rtsi lnga 'am zas lnga la/ /mtshan ma ming du bcas par byas/ /rdo rje chags pa'i phur pas gdag /chags
130b6 pa'i tshogs la thim par dbul/ /ba~M gyi tshogs kyi dkyil 'khor du/ /lu gu rgyud du sbrel bsdams nas/ /'gug 'gyur rdo rje'ang phyi bzhin 'brang / /ci 'dod de bzhin 'ong bar 'gyur/ /ma yi tshogs kyi dkyil 'khor mchog /'bar ba'i 'du 'phro gzi byin la/ /dga' ba'i
130b7 yid kyis mchod sbyin bya/ /yon tan nam mkha'i mtha' dang mnyam/ /bdud rtsi lnga 'am zas lnga la/ /mtshan ma'i ming du bcas par bya/ /yon tan yid bzhin gter du brtag /nga rgyal dga' 'phro'i phur pas gdab/ /rdo rje gzi byin 'bar bar 'gyur/ /ma yi tshogs kyi dkyil
iiif viewer powered by OpenSeadragon
Texts on this page
D832 - dpal gsang ba'i snying po de kho na nyid rnam par nges pa