| e-texts navigator |
| བོད་ཡིག |
116a1 'byung bar bzhed nas ched du brjod pa 'di brjod do/ /ye shes phyogs bzhi dbus brtags te/ /dkyil 'khor bsam yas lhun gyis grub/ /rdzogs chen rtogs pa'i rnal 'byor pas/ /kun 'byung dkyil 'khor chen por spyod/ /'khor lo rtsibs
116a2 bzhi mu khyud bcas/ /gru chad bzhis brgyan bar khyams ldan/ /kun du gru bzhi sgo khyud ldan/ /rol mo sna tshogs sprin phung bzhin/ /dkyil 'khor bzhi bcu gnyis kyis brgyan/ /seng ge glang chen rta dang khyung / /nam mkha' lding gi khri chen la/ /nyi zla pad+ma rin
116a3 po che/ /gdan la rdzogs dang sems dpa'i tshul/ /'khor lo rgyal po rgyal mo dang / /g.yas na mthong thos snom pa dang / /myong dang btsun mo'i tshogs su bcas/ /gru chad la ni mthong byed dang / /thos byed snom byed myong byed rnams/ /btsun mo'i
116a4 tshogs dang bcas par gnas/ /bar khyams la ni thub drug dang / /mdun dang rgyab na byed pa dang / /bya ba dag ni gnas par bstan/ /sgo khyud bzhi la 'joms pa ni/ /btsun mo'i tshogs dang ldan par gnas/ /rdo rje 'khor lo rin po che/ /pad+ma
116a5 ral gri dril bu 'bar/ /ut+pal klu shing la sogs mtshan/ /mdzes tshul mnyes pa'i yo byad 'dzin/ /mthing ga dkar po ser le brgan/ /ljang gu la sogs sna tshogs pa'i/ /mnyen lcug 'khril ldem gzhon tshul can/ /gsal 'tsher lhun
116a6 stug gzi byin 'bar/ /'od zer 'phro ba'i tshogs chen po/ /'bar ba'i phreng bas 'khrigs pa ste/ /mtha' dbus med par khyab pa yi/ /dkyil 'khor bsam yas lhun gyis grub/ /sku yi phyag rgya che mchog ni/ /de bzhin dbyings las ma
116a7 g.yos kyang / /yang dag thar pa'i gzugs sku dang / /'gro ba ma lus 'dul ba'i phyir/ /mthun byas sku ni sna tshogs ston/ /ston nyid sgyu ma mig yor tshul/ /tshul nyid dbyings las g.yos pa med/ /ma g.yos bzhin du sna tshogs pa'i/ /
iiif viewer powered by OpenSeadragon
Texts on this page
D832 - dpal gsang ba'i snying po de kho na nyid rnam par nges pa