| e-texts navigator |
| བོད་ཡིག |
110b1 @#/ /rgya gar skad du/ shrI guh+ya gar+b+ha ta twa bi ni sh+tsa ya/ bod skad du/ dpal gsang ba'i snying po de kho na nyid rnam par nges pa/ bcom ldan 'das dpal kun du bzang po la phyag 'tshal lo/ /'di skad bshad pa'i dus na/ de bzhin gshegs pa yang
110b2 dag par rdzogs pa'i sangs rgyas bcom ldan 'das longs spyod chen po phyogs bcu dus bzhi'i de bzhin gshegs pa thams cad kyi sku dang / gsung dang / thugs rdo rje'i bdag nyid/ ma lus mi lus lus pa med pa thams cad dang so so ma yin tha mi dad dbyer med pa'i rang
110b3 bzhin te/ 'og min gyi gnas mtha' dang dbus med pa na gzhi tshad med pa'i ye shes kyi 'khor lo gsal ba la ye shes rin po che 'bar ba'i gzhal yas khang / rgya phyogs bcur yongs su ma chad pa/ yon tan dpag tu med par rgyas pa'i phyir gru bzhir
110b4 gyur pa/ lhag pa'i ye shes rin po che'i glo 'bur gyis mdzes pa/ rtse mo phyogs bcu dus bzhi'i sangs rgyas kyi dkyil 'khor ma lus pa thams cad dang so so ma yin ngo bo nyid gcig pa'i ye shes kun du 'khyil ba/ ye shes bsam gyis mi khyab pa'i ye shes
110b5 rin po che'i dbyibs dang kha dog la sogs pa rnam pa tha dad pa'i bye brag dang khyad par du gyur pa/ spags pa/ tshad dpag tu med pa/ ye shes rin po che sna tshogs pa'i phreng ba dang / chun 'phyang dang / shar bu'i rgyan dang / gzugs sna tshogs dang / sgra sna tshogs
110b6 dang / dri sna tshogs dang / ro sna tshogs dang / reg bya sna tshogs kyis phyogs bcur 'khrigs par rang byung la mi sgrib par gsal ba'i rgyan bsam gyis mi khyab par bklubs pa/ rnam par thar pa bzhi'i sgo nas 'jug pa'i sgo khyud can/ rnam par thar pa brgyad
110b7 kyi rta babs dang ldan pa/ phyi dang nang med pa/ kun du yang nang du gyur pa na mi 'jigs pa seng ge'i khri dang / stobs glang po che'i khri dang / rdzu 'phrul rta'i khri dang / dbang rma bya'i khri dang / thogs pa med pa nam mkha' lding gi khri dang / rang bzhin gyis 'od
iiif viewer powered by OpenSeadragon
Texts on this page
D832 - dpal gsang ba'i snying po de kho na nyid rnam par nges pa