| e-texts navigator |
| བོད་ཡིག |
356b1 gis yang dag pa'i don glengs pa las/ lha sbyin 'khor dang bcas pa gleng bslang ba mi dga' zhing / ngan sems kyi phrag dog skyes nas rang gi gnas su byol te/ de dag la mi snyan par brjod pas de'i rnam par smin pas yang dag pa'i don las
356b2 gol te/ gnod sbyin kha 'bar ma'i gnas su skyes so/ /de bas na de bzhin du shes par bya'o/ /yang smra ba'i seng ges gsol pa/ gal te gang zag la la dag don dang ldan pa'i rnal 'byor la mngan sems kyis sgro skur 'debs pa de'i rnam
356b3 par smin pa ji lta bu lags/ gsang ba mchog gi bdag pos bka' stsal pa/ don dang ldan pa'i skyes bu la mngan sems kyis phyir 'dogs pa ni mnar med par ltung ste/ lce la thong gshol 'bar ba lnga brgyas 'dra la bar 'gyur ro/ /de
356b4 yang ji ltar shes zhe na/ sngon 'das pa'i dus nga dran pa thog ma'i tshe/ rnal 'byor don dang ldan pa rnam par dag pa'i blo gros zhes bya ba la/ mi 'jigs blo gros zhes bya ba don dang mi ldan pa zhig gis/ rnam par dag pa'i blo gros
356b5 sde mang po skyong ba'i sar mi 'jigs blo gros 'ongs te/ mngan sems kyis sgro skur mang po btab pas de'i rnam par smin pas mi 'jigs blo gros mnar med par ltung nas/ lce la thong gshol 'bar ba lnga brgyas rmod par gyur to/ /de bas
356b6 na de bzhin du shes par bya'o/ /yang smra ba'i seng ges gsol pa/ gang zag la la dag gis shes rab kyi rnal 'byor khong du ma chud par/ sgra thos pa tsam gyis gzhung spyad na ji lta bur 'gyur ba lags/ gsang ba mchog
356b7 gi bdag pos bka' stsal pa/ sgra phyir 'breng ba'i rnal 'byor de ni long ba'i 'du shes thob par 'gyur ro/ /de yang ji ltar yongs su shes zhe na/ sngon 'das pa'i dus nga dran pa thog ma'i tshe/ rgyal po rab gsal 'dzin
iiif viewer powered by OpenSeadragon
Texts on this page
D830 - de bzhin gshegs pa thams cad kyi gsang ba gsang ba'i mdzod chen po mi zad pa gter gyi sgron ma brtul zhugs chen po bsgrub pa'i rgyud ye shes rngam pa glog gi 'khor lo zhes bya ba theg pa chen po'i mdo