| e-texts navigator |
| བོད་ཡིག |
356a1 nga dran pa thog ma'i tshe rtsa ba'i dam tshig nyams shing yang dag pa'i don la rmugs shing / dregs pa'i nga rgyal gyis sngags kyi tshul du spyod pa'i drang srong pe na ya zhes bya ba zhig tshom bu brgya dang bcas par gnas so/ /de'i tshe rnam par
356a2 smin pa des gti mug phag gi lus su lhung ba de bzhin du shes par bya'o/ /yang smra ba'i seng ges gsol pa/ gang zag la la dag tshig tu mnyam zer yang / blo mnyam pa dang mi nye bar chags sdang la 'chel ba dag mchis na/ de'i rnam
356a3 par smin pa ji lta bu lags/ gsang ba mchog gi bdag pos bka' stsal pa/ mnyam pa ma rtogs par chags sdang la 'chel ba de ni rag+sha srin po'i rigs su 'gyur te/ de yang ji ltar yongs su shes zhe na/ sngon 'das pa'i dus nga dran pa
356a4 thog ma'i tshe/ mnyam pa nyid ma rtogs par chags sdang la 'chel ba'i dge slong de sbyin zhes bya ba tshom bu stong dang bcas pa zhig gis/ gsang ba'i spyod pa mngon du spyod pas las de'i rnam par smin pas rak+sha srin po'i gnas su skyes so/ /de
356a5 bas na de ltar shes par bya'o/ /yang smra ba'i seng ges gsol pa/ gal te gang zag la la dag rdo rje 'chang gi gral du tshogs pa'i tshe don la dga' ba'i rnal 'byor pa dag gis/ yang dag pa'i don la gleng bslang ba de la 'jigs skrag zhum ste/
356a6 mi dga' zhing gud du byol ba'i rnam par smin pa ji lta bu lags/ gsang ba mchog gi bdag pos bka' stsal pa/ yang dag pa'i don gyis 'jigs pa'i phrag dog can de ni 'khor ba'i gnas su 'khyams te/ yak+sha gnod sbyin gyi gnas su
356a7 lhung ngo / /de yang ji ltar yongs su shes zhe na/ sngon 'das pa'i dus nga dran pa thog ma'i tshe/ rnal 'byor las dang po'i sar slob pa'i dge slong lha sbyin zhes bya ba zhig don dang ldan pa'i rnal 'byor phal chen tshogs par gyur pa las rnal 'byor de dag
iiif viewer powered by OpenSeadragon
Texts on this page
D830 - de bzhin gshegs pa thams cad kyi gsang ba gsang ba'i mdzod chen po mi zad pa gter gyi sgron ma brtul zhugs chen po bsgrub pa'i rgyud ye shes rngam pa glog gi 'khor lo zhes bya ba theg pa chen po'i mdo