| e-texts navigator |
| བོད་ཡིག |
354a1 'khor rnams la gsang ba'i tshul du bcos nas/ log pa'i tshogs bskyangs pas tshom bu lnga brgya dang bcas par yang dag pa'i don las gol zhing / ngan 'gro log pa'i lam du lhung bar gyur pa de bzhin du shes par
354a2 bya'o/ /de nas yang smra ba'i seng ges gsol pa/ gang zag la la dag gsang ba'i don zab mo rtogs pa med par dga' ba'i gzhung bor te/ gzhan nges pa'i rnal 'byor rnams la skur pa 'debs pa'i rnam par smin pa ni ji lta bur 'gyur ba lags/
354a3 gsang ba mchog gi bdag pos bka' stsal pa/ smra ba'i seng ge gang zag la la dag rang nyid gsang ba'i don la yid ches pa'i nges pa med par gzhan nges pa'i rnal 'byor pa rnams la sgro skur gyi sun 'byin pa'i blo skye zhing bdag gi ni yin/ gzhan
354a4 gyi ni ma yin zhes bdag la bstod cing gzhan la smod pa ni don las 'ban thag chad de mnar med par ltung ngo / /de yang ji ltar yongs su shes zhe na/ sngon 'das pa'i dus nga dran pa thog ma'i tshe/ bskal pa kun du bkod pa zhes bya ba'i dus de
354a5 nyid la/ dpal sbyin zhes bya ba'i rnal 'byor zhig tu khas 'ches pa zhig yang dag pa'i don la shed ma bye zhing / lam gyi bgrod thabs la mi mkhas pas des bka' nges pa'i gzhung ni ma rtogs/ chos ma yin pa'i chos la chos su spyod
354a6 cing nor bas/ bdag nyid sun 'byin cing log pa'i tshad mas gzhan nges pa'i don spyod pa'i rnal 'byor pa la khyod kyi de ni yang dag pa'i don ma yin/ yang dag pa'i bdud rtsi dang 'dra ba ni nga'i chos 'di yin no zhes bdag bstod/ gzhan
354a7 la ni smod pas yang dag pa'i don dang ni gtan du 'gyangs/ mnar med pa'i sems can dmyal ba chen por bskal pa bcu gnyis kyi bar du 'khyams par gyur to/ /de bzhin du shes par bya'o/ /de nas yang smra ba'i seng ges gsol pa/
iiif viewer powered by OpenSeadragon
Texts on this page
D830 - de bzhin gshegs pa thams cad kyi gsang ba gsang ba'i mdzod chen po mi zad pa gter gyi sgron ma brtul zhugs chen po bsgrub pa'i rgyud ye shes rngam pa glog gi 'khor lo zhes bya ba theg pa chen po'i mdo