rKTs

e-texts navigator

Volume

Page

352a₁ tu gyur to 'tshal thams cad ji ltar 'dod pa bzhin thob par 'gyur ro/ /de na yang ji ltar yongs su shes zhe na/ sngon 'das pa'i dus nga dran pa thog ma'i tshe lha'i gnas rim pa gsum na gsang ba spyod pa las dge ba'i rgyal po
352a₂ b kod pa zhes bya ba'i lha'i bu zhig tshom bu 'bum dang bcas nas gsang ba rgya cher spyod pa las rin chen 'od ldan zhes bya ba'i lha'i bu zhig gsang sngags rgya cher spyod pa de nyid la shin tu dad pa skyes pa las yo byad phun sum tshogs pa dang bcas pa gsang ba'i
352a₃ gnas der phyin te gsang ba'i sgor zhugs nas tshogs kyi dkyil 'khor chen po yang mthong bar byas te de nyid kyi dus kyi tshe dag tu dngos grub tu gyur to 'tshal ba thams cad ji ltar bsams pa bzhin du thob par gyur pa/ de bzhin du shes par bya'o/ /de
352a₄ nas smra ba'i seng ges gsol pa/ gsang ba'i theg pa 'di mngon du spyod pa'i rnal 'byor pa gang zhig la dga' ba'i yid kyis mngon du phyogs pa de'i 'bras bu ji lta bur 'gyur ba lung bstan du gsol/ gsang ba mchog gi bdag pos bka' stsal pa/
352a₅ smra ba'i seng ge gzhan yang gsang ba'i theg pa spyod pa la mngon du phyogs pa'i gang zag de'i rnam par smin pa ni gsang ba dngos su spyod pa'i rnal 'byor pa de dang 'dra bar thob par 'gyur ro/ /de yang ji ltar yongs su shes zhe na/ sngon 'das pa'i
352a₆ dus nga dran pa thog ma'i tshe rgyal po dbang phyug 'od ldan zhes bya ba'i rnal 'byor pa zhig tshom bu 'bum dang bcas nas sngags kyi spyod pa la rgya cher zhugs te 'bras bu ngo mtshar rmad du byung ba thob par kun du grags pa las/ gzhan gyi sde pa bram ze dge
352a₇ slong bya ba zhig shin tu dga' ba'i sems skyes nas 'byor pa'i yo byad mang po dang bcas nas tshogs kyi dkyil 'khor de nyid du 'jug par gsol ba btab pa las rgyal pos ma gnang ste gsang sgo bsdams so/ /bram ze de dad pa ma log par 'byor

_{iiif viewer powered by OpenSeadragon}

351b - 352b

Texts on this page