| e-texts navigator |
| བོད་ཡིག |
351a1 'gro las skyob par 'gyur ro/ /de yang ji ltar yongs su shes zhe na/ sngon 'das pa'i dus dran pa thog ma'i tshe gsang ba'i theg pa'i lha'i gnas rim pa gsum na tshul bzhin du spyod pa las 'od ldan zhes bya ba'i lha'i bu
351a2 zhig mi rtag pa'i dus la bab ste 'chi ba'i snga ltas rnams byung bar gyur/ de rab tu mi dga' ba'i 'du shes su gyur nas tshe phyi ma la gang du skye snyam pa'i 'du shes 'ba' zhig skyes pa las/ lha'i bu de nyid mngon par shes pa las mi gtsang ba za
351a3 ba'i byol song gi rigs su skye bar mthong ste shin tu 'jigs pa'i sems skyes nas mgon skyabs gzhan med par mthong ste gsang ba'i theg pa'i mtshan thos nas de bzhin du yid la dran par byas so/ /de'i tshe 'od ldan zhes bya ba lha'i bu de ngan
351a4 'gro'i lam de las grol te gsang ba'i theg pa 'dzin pa'i gnas ga la ba der skyes so/ /der skyes nas kyang tshogs chen po la longs spyod pa skal ba can du gyur pa de bzhin du shes par bya'o/ /yang gsol pa/ gsang ba mchog gi bdag po
351a5 gsang ba'i theg pa 'di la dga' zhing mos pa dang / 'dun pa skyes pa'i gang zag de ni rnam par smin pa'i yon tan ji lta bur 'gyur/ lung bstan du gsol/ gsang ba mchog gi bdag pos bka' stsal pa/ gsang ba'i theg pa 'di
351a6 la dga' zhing / mos pa dang 'dun pa skyed pa'i gang zag dam pa de ni rig 'dzin rgyal ba'i sras dam par 'gyur bar gdon mi za'o/ /de yang ji ltar yongs su shes zhe na/ sngon 'das pa'i dus nga dran pa thog ma'i tshe bram ze rgyal byed ces
351a7 bya ba'i bu byams ldan zhes bya ba zhig gsang ba'i theg pa 'di la dga' zhing mos nas 'dun pa skyes te gsang ba'i theg pa 'di kun du btsal bas rang gi sgrib pa'i bag chags stug pos gegs byas nas/ rnyed par ma gyur te sa phyogs shin tu yang dben
iiif viewer powered by OpenSeadragon
Texts on this page
D830 - de bzhin gshegs pa thams cad kyi gsang ba gsang ba'i mdzod chen po mi zad pa gter gyi sgron ma brtul zhugs chen po bsgrub pa'i rgyud ye shes rngam pa glog gi 'khor lo zhes bya ba theg pa chen po'i mdo