| e-texts navigator |
| བོད་ཡིག |
333a1 bsam gyis mi khyab ste/ /de dag la sogs bsam yas mchog /chos dbyings mnyam dang mi mnyam dang / /nam mkha' dbyings kyi mthas klas pa/ /brjod med brjod las 'das pa yi/ /dngos grub ji ltar 'dod pa 'grub/ /ces
333a2 gsungs so/ /'phags pa rgyud kyi rgyal po ye shes rngam pa glog gi 'khor lo'i mdo zhes bya ba las dngos grub bsgrub pa'i rnam grangs bshad pa'i le'u ste bcu gnyis pa'o// //de nas bcom ldan 'das gsang ba mchog gi bdag po de mi
333a3 'da' ba dam tshig gi rdo rje zhes bya ba'i ting nge 'dzin la snyoms par zhugs nas/ nyid kyi sku dang gsung dang thugs rdo rje las sdom pa zab mo 'di phyung ngo / /de la 'di ni dam tshig gi sdom pa ci'i phyir bsrung ba'o/ /srid gsum sems can thams cad la/ /log
333a4 rtog 'khrul pa bsam mi khyab/ /de nyid gzhil ba'i gdul thabs su/ /phyi nang sdom pa ji snyed pa/ /rtog 'dul thabs su de snyed gsungs/ /zhes gsungs so/ /de la 'di ni dam tshig gi mdo kun 'dir 'dus pa'o/ /ji snyed sdom pa bsam yas kun/ /
333a5 gsang sngags rgya mtsho chen po las/ /'dul ba'i thabs su so sor snang / /snang yang rtog 'dul ma grub phyir/ /rmad byung ngang du gcig par 'dus/ /de bas gsang sngags ngo mtshar che/ /zhes gsungs so/ /de la 'di ni dam tshig rnam par dag pa'o/ /
333a6 chos kun ye nas dag pa'i phyir/ /log rtog ye nas rnam par dag /de bas sdom pa rnam par dag /dam tshig 'di ni rmad po che/ /zhes gsungs so/ /de la 'di ni bsrung ba med pa'i sdom pa'o/ /thams cad thig le rdo rje bas/ /bsrung ba'i tha
333a7 snyad rnams dang bral/ /kun khyab bdal ba'i ngang nyid la/ /bsrung du med na sdom pa yin/ /nam mkha' bzhin du kun du khyab/ /ces gsungs so/ /de la 'di ni rtogs pa'i dam tshig go/ /bde chen rnam dag lhun grub par/ /lta bas rtogs shing
iiif viewer powered by OpenSeadragon
Texts on this page
D830 - de bzhin gshegs pa thams cad kyi gsang ba gsang ba'i mdzod chen po mi zad pa gter gyi sgron ma brtul zhugs chen po bsgrub pa'i rgyud ye shes rngam pa glog gi 'khor lo zhes bya ba theg pa chen po'i mdo