| e-texts navigator |
| བོད་ཡིག |
327a1 gdon mi za/ /zhes gsungs so/ /de la 'di ni dug dbyung ba'i thabs so/ /nam mkha' dbyings kyi dbus su ni/ /zla ba'i dkyil 'khor dbus gnas par/ /spyan ras gzigs ni bsgom par bya/ /kha dog dkar po hri spros te/ /dug can
327a2 khong du zhugs pa yis/ /dug rnams hri la 'dus nas ni/ /hU~M gis khong nas phyir phyung dang / /phaT kyis bar snang khams su gtor/ /yang na gzhan gyi khong du spo/ /des ni de ma thag tu yang / /dug rnams dbyung bar gdon mi za/ /zhes gsungs so/ /de
327a3 la 'di ni dug spo ba'i thabs so/ /dug can snying gar o~M dkar las/ /'od zer dkar pos dug bsdus pas/ /o~M nyid nag por snang byung nas/ /gzhan gyi lce 'am mtshan ma 'am/ /khong du zhugs par rab bsgoms na/ /'pho ba rtag tu gdon mi za/ /
327a4 zhes gsungs so/ /de la 'di ni nye ba'i dug gso ba'i thabs so/ /mdze 'bras shu ba phol mig dang / /'brum bu la sogs nad rnams kun/ /a dkar dag gi 'phro 'du yis/ /gong ma bzhin du dbyung bar bya/ /spo ba yang ni de bzhin no/ /de ni khams las
327a5 gyur pa yi/ /nad rnams thams cad nges par sel/ /zhes gsungs so/ /de la 'di ni bkres skom zhi ba sgrub pa'i thabs so/ /bkres skom can gyi nyon mongs pa'am/ /yang na bsgrub pa'am gang yang rung / /sbyor ba 'di ni brtsam par bya/ /rnam par snang
327a6 mdzad gzugs chen po/ /nam mkha'i dbus su bsgom par bya/ /ba ni kha yi nang du bsgom/ /o~M ni lce la rnam bsams te/ /yid bzhin bdud rtsi lta bu yi/ /bza' ba'i gnas su de nyid bsam/ /des ni bkres skom sdug bsngal sel/ /zhes gsungs
327a7 so/ /de la 'di ni rnam par dag pa bsgrub pa'i thabs so/ /o~M ni mig la rab bsams te/ /yul kun rnam snang mdzad du bsgom/ /de ltar rtag tu goms pa dang / /chos kun sku gsung rdo rje mthong / /de nyid rnam dag spyan du grags/ /zhes gsungs so/ /
iiif viewer powered by OpenSeadragon
Texts on this page
D830 - de bzhin gshegs pa thams cad kyi gsang ba gsang ba'i mdzod chen po mi zad pa gter gyi sgron ma brtul zhugs chen po bsgrub pa'i rgyud ye shes rngam pa glog gi 'khor lo zhes bya ba theg pa chen po'i mdo