| e-texts navigator |
| བོད་ཡིག |
325a1 rab tu goms pa dang / /sa la 'gro bzhin nus par 'gyur/ /zhes gsungs so/ /de la 'di ni thogs med rlung gi dngos grub bsgrub pa'i thabs so/ /nam mkhar rdo rje dbus su ni/ /zla ba'i dkyil 'khor dbus gnas par/ /lha yi rnal
325a2 'byor bsgom par bya/ /'og gi phyogs su ya~M las ni/ /rlung gis rab tu bteg par bsgom/ /de ltar rab tu bsgom byas na/ /mkha' la bya bzhin 'gro bar nus/ /zhing khams kun du bgrod par 'gyur/ /zhes gsungs so/ /de la 'di ni nyi ma gsal ba
325a3 zhes bya ba'i dngos grub bsgrub pa'i thabs so/ /sku gsung thugs ni rdo rje yi/ /snying gar nyi ma'i dkyil 'khor bsam/ /de las 'od du 'phros pa las/ /mun pa'i gnas rnams bsal bar nges/ /zhes gsungs so/ /de la 'di ni rlung bcad pa bsgrub pa'i
325a4 thabs so/ /bdag nyid rlung gi phyogs song la/ /stegs bu gru bzhi lham par bya/ /spos kyi thig le bdun byas te/ /ya~M las rlung bdun bskyed par bya/ /rlung lha dgug pa byas nas su/ /kham phor gyis ni dgab byas te/ /de steng la~M las ri rab bsgom/ /
325a5 ri rab rtse la khro bo ni/ /'bar ba dag gis mnan par bsgom/ /des ni 'jig pa'i rlung rnams kyang / /bcings par 'gyur bar gdon mi za/ /zhes gsungs so/ /de la 'di ni char pa dbab pa'i thabs so/ /nam mkha' dbyings kyi dbus su ni/ /
325a6 pad+ma 'dab ma brgyad pa bsgom/ /dbus su khro bo stobs po che/ /'dab ma la ni klu brgyad po/ /bsgoms sam yang na bris kyang rung / /khro bo'i zhabs kyi mthil gyis ni/ /klu rnams rab tu mnan nas su/ /hU~M gnyis bar du klu rnams kyi/ /snying po spel
325a7 cing gzir nas su/ /klu rnams gnas pa'i sa phyogs su/ /hU~M zhes bya ba bzlas brjod bya/ /khro bos mnan pa'i klu rnams kyi/ /kha nas char pa skyugs bsams na/ /'jig dus lta bu'i char pa'ang 'bab/ /ces gsungs so/ /de la 'di ni char pa dang
iiif viewer powered by OpenSeadragon
Texts on this page
D830 - de bzhin gshegs pa thams cad kyi gsang ba gsang ba'i mdzod chen po mi zad pa gter gyi sgron ma brtul zhugs chen po bsgrub pa'i rgyud ye shes rngam pa glog gi 'khor lo zhes bya ba theg pa chen po'i mdo